1424

Ár

Áratugir

1411–1420 – 1421–1430 – 1431–1440

Aldir

14. öldin – 15. öldin – 16. öldin

Árið 1424 (MCDXXIV í rómverskum tölum)

Á Íslandi

Harðindavetur, kallaður Kynjavetur.
Mislingar og fleiri farsóttir gengu um landið.
Miklar erjur voru milli Englendinga og fulltrúa Danakonungs og rændu Englendingar konungsgarðinn á Bessastöðum bæði 1423 og 1424.

28. mars - Jakob 1. Skotakonungur var leystur úr haldi Englendinga eftir 18 ára fangelsisvist. Hann var krýndur í maí sem konungur Skota.
1. apríl - Keisari Mingveldisins hélt til Innri-Mongólíu með næstum milljón hermenn.
2. júní - Konungsríkið Napólí vann sigur á hershöfðingjanum Braccio da Montone við L'Aquila.
22. júní - Mamlúkar í Egyptalandi hófu að herja á Kýpur.
28. júlí - Hertogadæmið Mílanó vann sigur á Lýðveldinu Flórens í orrustunni við Zagonara.
17. ágúst - Hundrað ára stríðið: Englendingar unnu sigur á stærri her Frakka í orrustunni við Verneuil.
7. september - Zhu Gaochi, varð keisari Mingveldisins eftir lát föður síns.
13. september - Hússítastríðin - Hússítar náðu yfirráðum yfir Bæheimi.
Eiríkur af Pommern, Danakonungur, hélt í pílagrímsferð til Landsins helga og setti Filippu drottningu til að stýra Norðurlöndum á meðan.
Innrásarflokkur Skota brenndi stóran hluta bæjarins Alnwick í Norðymbralandi til grunna.