Tesla

Tesla er SI-mælieining segulsviðsstyrks, táknuð með T. Nefnd í höfuðið á Nikola Tesla. Er skilgreind sem segulstyrkurinn hornrétt á beinan vír, sem um fer straumurinn 1 Amper, þar sem kraftur vegna segulsviðsins er 1 Njúton á hvern metra vírsins, þ.e. 1 T = N /(A m). Eldri mælieining segulstyrks er Gauss, táknuð G, en 1 G = 10^-4 T.

Yfirfærslur á milli eininga

Þessi SI eining er nefnd eftir Nikola Tesla. Eins og með allar aðrar SI einingar, sem eru nefndar eru eftir mönnum, þá er fyrsti stafurinn í tákninu ritaður með hástaf (T). Hinsvegar byrja heiti SI einingar á lágstaf (tesla). Undantekning sem fylgir reglunni er „gráða Selsíus“. — Sjá The International System of Units, hluta 5.2.