Kluž Napok

Kluž Napok
Cluj-Napoca
	Lidnanznam;
Valdkund	Romanii
Eläjiden lugu (2021)	286,598 ristitud
Pind	179,5 km²
Pämez'	Emil' Bok; (2004−2008, heinku 2012—,; om valitud 2020−2024 strokuks,; Emil Boc)
Telefonkod	+40-(0)x64
Aigvö	tal'vel UTC+2,; kezal UTC+3

Kluž Napok (rom.: Cluj-Napoca [ˈkluʒ naˈpoka], mad'j.: Kolozsvár [ˈkoloʒvaːr], saks.: Klausenburg), paginoiš Kluž lühüdas, om lidn Romanijan lodehes. Se om valdkundan koumanz' lidn eläjiden lugun mödhe, Klužan ümbrikon administrativine keskuz.

Istorii

Eländpunkt mainitase dokumentoiš ezmäižen kerdan vl 1213 kuti Klus. Sai lidnan oiktusid vl 1270. Istorižen Transil'vanii-agjan keskuz, Transil'vanijan Suren ruhtinazkundan oficialine pälidn vll 1790−1848 i 1861−1867. Udesnimitihe nügüdläižikš vl 1974.

Kluž Napok šingotase elektrotehnikan pästandal (De'Longhi, Bosch), kosmetikan Farmec-kompanijal, sömtegimištol (oludtegim), turizmal da torguindal.

Geografijan andmused

Lidnan sijaduz ümbrikos i valdkundas vn 2005 kartal

Lidn sijadase ümbrikon keskuzpalas, 340 m ü.m.t. keskmäižel korktusel.

Matkad Buharesthasai om 324 km suvipäivnouzmha.

Klimat om ven kontinentaline. Voden keskmäine lämuz om +8,5 C°, kaikiš lujemb pakaine oleli −25 C°. Paneb sadegid 548 mm vodes, enamba semendkus-elokus (60..95 mm kus).

Eläjad

Vn 2011 Romanijan rahvahanlugemižen mödhe lidnan eläjiden lugu oli 324,576 ristitud. Kaik 321,687 eläjad oli lidnas vl 2016. Kaikiš suremb lidnan ristitišt oli 328,602 eläjad vl 1992.

Rahvahad (enamba 0,4 % vl 2011, ozutadud rahvahudenke): romanijalaižed — 80,1 %, mad'jaralaižed — 16,0 %, čiganalaižed — 1,0 %, toižed rahvahad — 2,9 %.

Kaik kümne üläopendusen aluzkundad ratas lidnas, sidä kesken valdkundan kaikiš järedamb i amuižemb Babešan — Boijain universitet^[1] (rom.: Universitatea Babeș-Bolyai, 48,6 tuh. üläopenikoid vl 2021) kirjutab ičeze istorijad 16. voz'sadaspäi.

Transport

Avtobusad, trolleibusad, tramvaid i taksid oma kundaližeks transportaks lidnas. Kluž Napok-päraudtestancii radab kahtes kilometras pohjoižhe lidnan keskuzpalaspäi.

Rahvahidenkeskeine civiline Kluž Napok-lendimport^[2] Avram Janku-revolücioneran nimed (CLJ / LRCL, 3,2 mln passažiroid vl 2024) om kahtenz' surtte valdkundas, sijadase ühesas kilometras päivnouzmha lidnan keskuzpalaspäi. Tehtas reisid Stambulha, Evropan erasihe-se znamasižihe lidnoihe, om sezonreisid Keskmeren (Grekanma) i Rusttan meren (Egipt) lebutahoiže.

Galerei

Lidnan tobmuden sauvuz (vn 2013 heinkun olend)
Ph. Mikoin jumalanpert' (riman katoline), nägu vn 2014 heinkus
Lidnan oludentegim, sulaku 2009
Romanijan nacionaline oper Kluž Napokas i Romanijan nacionaline teatr Lučian Blaga-kirjutajan nimed (kezaku 2019, om saudud vll 1904−1906)
Kluž Napok-päraudtestancijan sauvuz vn 2019 sügüz'kus

Homaičendad

↑ Babešan — Boijain universitetan sait (ubbcluj.ro). (rom.) (mad'j.) (saks.) (angl.)
↑ Rahvahidenkeskeižen Kluž Napok-lendimportan sait (airportcluj.ro). (rom.) (angl.)

Irdkosketused

Lidnan oficialine sait (primariaclujnapoca.ro). (rom.)

Kluž Napok Vikiaitas

[1] Babešan — Boijain universitetan sait (ubbcluj.ro). (rom.) (mad'j.) (saks.) (angl.)

[2] Rahvahidenkeskeižen Kluž Napok-lendimportan sait (airportcluj.ro). (rom.) (angl.)

[1]

[2]

Lidnanznam
Valdkund	Romanii
Eläjiden lugu (2021)	286,598 ristitud
Pind	179,5 km²

Pämez'	Emil' Bok (2004−2008, heinku 2012—, om valitud 2020−2024 strokuks, Emil Boc)
Telefonkod	+40-(0)x64
Aigvö	tal'vel UTC+2, kezal UTC+3