封面
时新图文
依夫城堡（法文：Château d'If），造拉马赛非乌勒群岛上个城堡。
1516年辰光，法国国王弗朗斯伐一世（François Ier）来玛里娘打仗，一落头地打到马赛。从依夫岛望，渠分析马赛根本呒不防外侵个防卫设施，怪得渠命令来岛上造一个防卫城。隔脱仔8年，西班牙国王卡洛斯一世只想吃落马赛。虽然讲特派大臣米朗达勒拿进攻部队打退哉，不过箇事体还讲明一个问题：城市进口个防卫要加强。箇年，也便是1524年，第一批城墙开造咾，望渠里好保护港口，外加派仔两百个兵搭廿二门大炮摆勒岛上。
马赛人弗买账，还搭箇只城堡起着只绰号叫“讨惹厌个邻舍”。马赛人开始争论箇城堡，因为来1481年前，马赛弗是法国领土。怪得对渠里来讲，城堡是法国国王对马赛掌权个象征。
城堡最终来1531年造好。西班牙国王卡洛斯一世后歇来登1536年也亲自进攻马赛，不过渠登拉城堡边上兜仔几圈，终归还是呒没办法拿渠攻下来。
依夫城堡造好交关年数之后，大约莫来16世纪中期，渠多仔一项监牢个功能。为仔城堡个地理位置搭建筑风格咾，渠变成理想个监牢，难板有人逃得出。只要有人拿城堡守牢就好哉，外加城堡也从来朆有人来进攻。
但必过，依夫城堡真正出名是因为一本书：大仲马个《基督山伯爵》。箇本小说个主人公艾特蒙·堂戴斯就是关勒依夫城堡里向个。
新闻
- 10月7号，北京大学哲学系教授，中国宗教学会顾问楼宇烈故脱。
- 9月27号，2026年世界技能大赛闭幕式勒垃上海国家会展中心举行。
- 9月25号，《歌手2019》个歌王，老歌手刘欢故脱。
- 9月24号，演济公出名个演员游本昌故脱。
- 9月22号，宁波轨道交通12号线（图）开通运营，象山通地铁嘞。
- 9月21号，法国克雷泰伊个高中学生仔发起示威、校园封锁、占领行动，豪慅扩展到全法国。
