Orhan Pamuk

Orhan Pamuk

(2009)
Biografía
Nacemento	(tr) Orhan Ferit Pamuk 7 de xuño de 1952 (73 anos) Istanbul
Residencia	Istanbul Nova York
Relixión	Secular Islam (en)
Educación	Faculdade de Comunicações da Universidade de Istanbul (pt) (–1976) Universidade Técnica de Istanbul Robert College (en)
Actividade
Lugar de traballo	Istanbul
Ocupación	escritor, ensaísta, xornalista, guionista, novelista, académico
Período de actividade	1974 -
Empregador	Universidade Columbia
Membro de	Academia das Artes e das Ciencias dos Estados Unidos Academia Estadounidense das Artes e as Letras Academia Chinesa de Ciências Sociais (pt)
Xénero artístico	Autobiografía e ensaio
Movemento	Literatura posmoderna e naturalismo
Influencias	Vladimir Nabokov
Obra
Obras destacables (1982) Cevdet Bey and His Sons (en) (1985) The White Castle (en) (1990) The Black Book (en) (1994) The New Life (en) (1998) My Name Is Red (en) (2002) Snow (en) (2003) Istanbul: Memories and the City (en) (2008) The Museum of Innocence (en) (2021) Nights of Plague (en)
Familia
Irmáns	Şevket Pamuk
Premios
(24 de xuño de 2024)  doutor honorário da Université Lumière Lyon 2 (pt) ../... 27+
Sinatura
Descrito pola fonte	Lentapedia
Sitio web	orhanpamuk.net

Orhan Pamuk, nado en Istanbul o 7 de xuño de 1952, é un escritor turco contemporáneo, moi coñecido internacionalmente e gañador do Premio Nobel de Literatura no ano 2006. Nas súas narracións constrúe pontes entre a novela europea moderna e a tradición mística oriental. O seu traballo foi traducido a 35 linguas e publicado en máis de 100 países.

Traxectoria

A súa implicación política na defensa dos dereitos humanos, crítica coas posturas do goberno turco, pero tamén coas posturas europeas contrarias a admisión de Turquía na Unión Europea sitúano nunha posición intermedia incómoda. As súas opinións sobre puntos escuros da historia turca, coma as matanzas de armenios a primeiros do século XX, nunha entrevista fixéronlle ser inculpado por "insulto ós turcos".

Nado en Istanbul nunha familia acomodada (o pai era enxeñeiro), estudou no Robert College, colexio americano en Istanbul. Por consello da familia (os pais querían que fora enxeñeiro) entrou na Universidade Técnica de Istanbul, que deixou tres anos despois para dedicarse profesionalmente a escribir.

En 1977 acabou os estudos no instituto de xornalismo da universidade de Istanbul. Entre os anos 1985 e 1988 viviu nos Estados Unidos en autoexilio, traballando para a Universidade de Columbia. Regresou a Turquía onde vive actualmente. Estivo casado entre os anos 1982 a 2001 e ten unha filla.

O 12 de outubro de 2006 recibiu o Premio Nobel de Literatura por ser un autor que "na procura na alma saudosa da cidade natal, atopou novos símbolos para o conflito e o vencellamento das culturas"

Obra

Os principais temas da súa obra son os conflitos e contradicións entre o oeste e o leste, o islam e o cristianismo, a tradición e o mundo contemporáneo. O conflito entre occidentalidade e islam na Turquía actual e, por exemplo, o tema da súa novela de 2002 Neve.

• Karanlık ve Işık ("Escuridade e luz", 1974). Narra a vida de tres xeracións dunha familia turca.
• Cevdet Bey ve Oğulları ("Cevdet Bey e os seus fillos", 1982).
• Sessiz Ev ("A casa do silencio", 1983).
• O castelo branco (Beyaz Kale, 1985). Tradución ao galego de Bartug Aykan e Eva Almazán, 2007.
• Kara Kitap ("O libro negro", 1990). Un avogado tenta atopar a súa dona que o abandonou sen explicación.
• Yeni Hayat ("A nova vida", 1995).
• Benim Adım Kırmızı ("Chámome Vermello", 1998). Novela histórica e de misterio. Un sultán que se fai retratar a través da realización dun libro ilustrado á maneira dos francos, causa unha serie de asasinatos.
• Neve (Kar, 2001). Tradución ao galego de Bartug Aykam e María Alonso Seisdedos, 2009.
• Istambul. As lembranzas e a cidade (İstanbul: Hatıralar ve Şehir, 2005). Tradución ao galego de Bartug Aykan e Lara Domínguez, 2008.
• O Museo da Inocencia (Masumiyet Müzesi, 2008). Tradución ao galego de Bartug Aykam e María Alonso Seisdedos, 2009.

Véxase tamén

Ligazóns externas

• Ficha en Editorial Galaxia