bitteragurk

Bitteragurk er ein klatreplante som blir opptil 5 meter høg. Blada er handflikte. Blomane er gule og sit enkeltvis. Frukta er avlang og 10–25 cm lang. Skalet er grønt og knudrete med små, mjuke piggar.

Planten høyrer heime i India.

Bitteragurk har, som namnet indikerer, svært bitter smak, og er faktisk ei av dei bitraste fruktene i verda. Frukta blir hausta før ho er heilt moden, medan skalla enno er grønt og fruktkjøtet er fast og kvitt. Moden bitteragurk er guloransje og fruktkjøtet uappetittleg og svampaktig. Agurken blir skrelt og frøa blir fjerna før tillaging.

Bitteragurken er populær mange stader i verda, særleg i Austen og Søraust-Asia, men også i Afrika og Karibia. Den kan kokast, steikjast, bakast, brukast i wok- og curryretter, gryteretter og supper, eller sursyltast. Halverte frukter kan fyllast med kjøt og/eller grønsaker og bakast.

Den bitre smaken kan dempast ved å leggje frukta ei stund i salt vatn eller ved å gje ho eit raskt oppkok.

Blad og skot kan etast som grønsak.

Det indiske namnet karella blir brukt internasjonalt, også i Noreg.

Andre namn er:

• bitter melon
• bitter gourd
• bitter squash (engelsk)
• kudret nari (Tyrkia)
• kugua (Kina)
• pare ayam (Java og Indonesia)
• pavayka/kayppayka (India)
• goya og nigauri (Japan)
• muop dang og kho qua (Vietnam)
• caraille/carilley (Trinidad og Tobago)
• carilla (Guyana)
• cerasse (Jamaica/Karibia og deler av Sør-Amerika)
• sopropo (Surinam)
• faaga (Maldivene)
• karavila (Sri Lanka).

Bitteragurk høyrer til slekten Momordica, der ein også finn kantola og gac.

• kantola
• gac
• agurk
• graskar
• squash