Antigua va Barbuda

Antigua va Barbuda Antigua and Barbuda
Bayroq Gerb
Shior: Each endeavouring, all achieving
Madhiya: Fair Antigua, We Salute Thee
Poytaxt	Sent-jons
Rasmiy til(lar)	Ingliz tili
Hukumat	Hamdoʻstlik
• Rohib	Yelizaveta II
• Gubernator-General	Rodney Williams
• Bosh Vazir	Gaston Browne
Mustaqillik (Birlashgan Qirolligidan)
• Sana	1-noyabr 1981
Maydon
• Butun	443 km2 (199-oʻrin)
• Suv (%)	ahamiyatsiz
Aholi
• 2002-yilgi roʻyxat	68,722 (205-oʻrin)
• Zichlik	155/km2
YIM (XQT)	2005-yil roʻyxati
• Butun	AQSh$750 mil. (201-oʻrin)
• Jon boshiga	AQSh$10,914
Pul birligi	East Caribbean Dollar (XCD)
Vaqt mintaqasi	UTC–4
• Yoz (DST)	UTC–4
Qisqartma	AC
Telefon prefiksi	1
Internet domeni	.ag

Antigua va barbuda (Antigua and Barbuda) – Vest-Indiyadagi davlat. Kichik Antil orollari guruhiga kiruvchi Antigua, Barbuda va Redonda orollarida joylashgan. Maydoni 441,6 kilometr². Aholisi 64,3 ming kishi (1995), asosan negrlar va mulatlar. Aholining oʻrtacha zichligi – 1 kilometr² ga 145 kishi. Aholining 32% shaharlarda yashaydi. Rasmiy tili – ingliz tili. Dindorlar xristian dinining protestantlik oqimiga mansub-dirlar. Maʼmuriy-hududiy jihatdan 7 rayonga boʻlingan. Poytaxti – Sent-Jons shahri va porti. Antigua va Barbuda 1981-yilda qabul qilingan Konstitutsiya boʻyicha Buyuk Britaniya boshchiligidagi Hamdoʻstlik tarkibiga kiruvchi mustaqil davlat. Davlat boshligʻi Buyuk Britaniya qiroli (qirolichasi), general-gubernator uning vakili hisoblanadi. Qonun chiqaruvchi organi – vakillar palatasi va senatdan iborat parlament. Ijrochi hokimiyatni general-gubernator tomonidan tayinlanadigan bosh vazir boshchiligidagi xukumat boshqaradi. Antigua va Barbudada Antigua ley-boristlar partiyasi (1968), Birlash-gan taraqqiyparvar partiya (1992), Antigua va Barbuda fuqarolik xizmati assotsiatsiyasi (500 aʼzo), Antigua professional va ishchilar ittifoqi (1940, 10 ming aʼzo), Antigua ishchilar ittifoqi (1967, 10 ming aʼzo) mavjud. Orollar asosan tekislikdan iborat. Tekislikning eng yuqori nuqtasi – 402 metrga yetadigan Bogti-Pik balandligidir. Antiguaning shimoliy va sharqiy qismi ohakchil va yirik donador qum, markaziy qismi gil formatsiyalar bilan qoplangan. Antigua oroli qirgʻoqlari kemalar uchun qulay tabiiy toʻxtash joylariga ega. Qirgʻoq boʻyining ayrim qismlari qoyalar bilan qoplangan. Orollarda iqlim – quruq va quyoshli (bir yilda oʻrtacha 1150 mm yogʻin yogʻadi). Quruq mavsum noyabrning oxiridan may oyining boshigacha davom etadi. Tabiiy oʻsimliklari va hayvonot dunyosi Antiguadan 48 kilometr shimoliyda joylashgan aholi kam yashaydigan Barbuda orolda saqlanib qolgan. Bu yassi marjon o.ning gʻarbiy qismida qoʻltiq boʻlib, uning qoʻriqxona sharoitida suvda suzuvchi yovvoyi qushlarning koʻp turlari saqlanib qolgan. Orollarning qadimgi aholisi indeyslar boʻlgan. Antigua va Redonda orollarini 1493-yil Xristafor Kolumb oʻzining ikkinchi ekspeditsiyasida kashf etgan. Orollar dastlab Ispaniya, Angliya va Fransiya mustamlakasi, 1667-yildan butunlay Angliya mustamlakasi boʻlgan. Inglizlar orolda plantatsiya xoʻjaligini tashkil etib, bu yerga Afrikadan nef-qullarni olib kela boshladilar. 1834-yil qulchilik bekor qilindi. 1871-yildan 1958-yilgacha Antigua, Barbuda va Redonda o.lari Angliyaning Shamolli orollar mustamlakasi tarkibida boʻlgan. 1981-yildan mustaqil davlat. Mamlakat iqtisodiyotining asosi – xorijiy sayyohlik va qishloq xoʻjaligi Qishloq xoʻjaligi asosan shakarqamish, paxtaning uzun tolali navi, shuningdek, tamaki, kokos palmasi va sabzavot yetishti-rishga ixtisoslashgan. Chorvachilik yaxshi rivojlanmagan. Oʻz oziq-ovqat mahsuloti yetishmaganligi sababli u chetdan keltiriladi. Sanoati qishloq xoʻjaligi xom ashyosini qayta ishlash bilan band. Rom ichimligi, paxta va kokos yogʻi ishlab chiqariladi. Tashqi savdodagi asosiy mijozlari – AQSH, Buyuk Britaniya, Germaniya. Pul birligi – sharqiy Karib dollari. „Autlet“, „Neyshn“ („Millat“), „Uorkerz voys“ („Ishchi ovozi“) gazetalari nashr etiladi. 1956-yildan radioeshittirish, 1964-yildan telekoʻrsatuv tashkilotlari mavjud.