დინორეშა გინულა

ბონგბონგ მარკოსი

ვიკიპედიაშე
ფერდინანდ მარკოს უკულაში
(ბონგბონგ მარკოსი)
ფერდინანდ მარკოს უკულაში(ბონგბონგ მარკოსი)
ოფიციალურ პორტრეტი, 2023 წ.
ფილიპინეფიშ მა-17 პრეზიდენტი
თეჟამიანი პოსტი
დეკინჷ30 მანგი, 2022
ვიცე-პრეზიდენტი  სარა დუტერტე
წიმოხონიროდრიგო დუტერტე
ფილიპინეფიშ ოფუტეშ მეურნობაშ მინისტრი
პოსტის გერინაშ ბორჯი
30 მანგი, 2022 – 3 გერგობათუთა, 2023
წიმოხონიუილიამ დარი
მონძეფრანსისკო ტიუ ლორელი
ფილიპინეფიშ სენატორი
პოსტის გერინაშ ბორჯი
30 მანგი, 2010 – 30 მანგი, 2016
ილოკოს-ნორტეშ გუბერნატორი
პოსტის გერინაშ ბორჯი
30 მანგი, 1998 – 30 მანგი, 2007
წიმოხონიროდოლფო ფარილიასი
მონძემაიკლ მარკოს კეონი
დუნაბადი13 ეკენია, 1957 (1957-09-13) (68 წანერი)
მანილა, ფილიპინეფი
მენოღალობაფილიპინეფიშ შილა ფილიპინეფი
პოლიტიკური პარტიაPFP (2021-შე)
მუმაფერდინანდ მარკოსი
ნანაიმელდა მარკოსი
ალმასქულიზა არანეტა მარკოსი
სქუალეფი3 (თინეფ შქას სანდრო მარკოსი დო ვინი მარკოსი)
გონათაფაოქსფორდიშ უნივერსიტეტი, აზიაშ დო რჩქალ ოკიანეშ უნივერსიტეტი
პროფესიაპოლიტიკოსი
რელიგიაკათოლიციზმი
ხეშმოჭარუაImage
ვებ-საიტიpbbm.com.ph

ფერდინანდ „ბონგბონგ“ რომუალდეს მარკოს უკულაში (ტაგალ. Ferdinand "Bongbong" Marcos, Jr.; დ. 13 ეკენია, 1957, ნამუსჷთ რჩქვანელობურო ინიციალეფით BBM ვარ-და PBBM მიშინუანა) — ფილიპინარ პოლიტიკოსი, ნამუსჷთ 2022 წანაშე ფილიპინეფიშ მა-17 პრეზიდენტიშ პოსტ უკებჷ.[1] თინა რე მა-10 პრეზიდენტიშ, ფერდინანდ მარკოსიშ დო ჸოფირ პირველ ლედიშ, იმელდა მარკოსიშ მაჟირა სქუა დო აკა ქომოლსქუა.[2]

1980 წანას, მარკოსიქ გიშაგორილქ იჸუ ილოკოს-ნორტეშ ვიცე-გუბერნატორო; თინა კონკურენტიშ უმუშო გიშმეშჷ მუამუშიშ პარტია Kilusang Bagong Lipunan-ით, ნამუთ თიმ ბორჯის ოურდუმე დგომარობაშ რეჟიმით გამაგენდჷ ფილიპინეფს.[3] თიქ უკული, 1983 წანას, გუბერნატორო გინირთჷ დო თე პოსტ 1986 წანაშ ფურთუთაშა უკებუდჷ, სოიშახ თიშ ფანია ხეშუულებაშე კათაშ ნძალაშ რევოლუციაშ შედეგო ვეგნარინეს დო ჰავაიშა ემიგრაციაშა ვენტესჷნ. 1989 წანას მუამუშიშ ღურაშ უკული, პრეზიდენტ კორასონ აკინოქ თიშ ფანიას ფილიპინეფშა დორთაშ ნება მეჩჷ შხვადოშხვადო ბრალდვალუეფიშ გოსხუნუაშო; 1991 წანაშ გჷმათუთას, თინა რდჷ პირველ მარკოსი, ნამუქჷთ რევოლუციაშ უკულ ქიანაშა დირთჷნ. მარკოსი დო დიამუში, იმელდა, ასეშო (2026 წანაშო ხოლო) ააშ-ს ოჭოფალ პიჯეფ რენა სასამართოშ ზოჯუაშა კუჩხიშ გებიჯგაფაშ გეშა, ნამუშ მეჯინათ თინეფს $353 მილიონიშ (7,385,250,000 ფილიპინურ პესოშ, 2025 წანას) გინოგაფა აფუდეს გედვალირ მუამუშიშ დიქტატურაშ ბორჯის ადამიერიშ ნებეფიშ აკორცუაფაშენ.[4] მარა, სოიშახ თინა პრეზიდენტ რე, თის შეულებჷ ააშ-შა მინულა დიპლომატიურ იმუნიტეტიშ ჭყოლოფუათ.[5]

მარკოსიქ გიშაგორილქ იჸუ ილოკოს-ნორტეშ მაჟირა ოლქიშ წჷმმარინაფალო, სოდეთ 1992-შე 1995 წანაშა მუშენდჷ. 1998 წანას თინა კინე გუბერნატორო გეგშაგორეს. ჩხორო წანაშ უკული, 2007-შე 2010 წანაშა თინა მუშ უწოხიან პოსტის — წჷმმარინაფალო დართჷ, სოიშახ ფილიპინეფიშ სენატის ნაციონალისტურ პარტიაშ ჯოხოთ ართ ხანით (2010–2016) აკათუდჷნ.[6] მარკოსიქ უშედეგოთ ქეშეცადჷ ვიცე-პრეზიდენტობა 2016 წანაშ გიშაგორუეფს, სოდეთ მორჩილ ხონარით წაგჷ კამარინეს-სურიშ წჷმმარინაფალ ლენი რობრედოწკჷმა. მარკოსიქ შედეგეფ საპრეზიდენტო ოგიშაგორუე ტრიბუნალს გასაჩიულჷ, მარა თიშ ოგიშაოგუე პროტესტიქ 2021 წანას ართგანშე ვარებულქ იჸუ, თიშ უკული, მუთ საპილოტე გინოკოროცუაშ შედეგო რობრედოშ უმენტაშობაქ ხოლო 15,093 ხონარით მიძინჷნ.

მარკოსიქ 2022 წანაშ გიშაგორუეფს პრეზიდენტობაშა კალს ირღვანდჷ ფილიპინეფიშ ფედერალურ პარტიაშე,[7] ნამუსჷთ კაბეტ უმენტაშობათ, ხონარეფიშ დოხოლაფირო 59%-ით გიმორძგჷ.[8] კამპანიაშ მიმალობაშის, თიქ საპრეზიდენტო დებატეფს კათაფაშენ დუდ მიკინჷ. თიშ უმკუჯინუო, ნამჷ-და პრეზიდენტ როდრიგო დუტერტექ მარკოს მუჭოთ „დაღარ ლიდერი“ თეშ გაკრიტიკჷნ, დუტერტეშ სქუა სარა მარკოსიშ ნომერ მაჟირა კანდიდატო გიშმეშჷ დო ხონარეფიშ უმენტაშობა მიღჷ; თინეფიშ კოალიცია UniTeam-ს მიაჭარუ თე შანულამ გიშაგორუეფიშ წჷმოძინა. თიშ გომორძგუა არძაშე კაბეტ რდჷ 1981 წანაშ უკული, მუჟანსჷთ მუამუშიქ ხონარეფიშ 88% მიღჷ ოპოზიციაშ ბოიკოტიშ ჭყოლოფუათ.[9] თიში საპრეზიდენტო კამპანიას, ფაქტეფიშ გინმამოწმებელეფშე დო დეზინფორმაციაშ მარკვიებელეფშე კრიტიკა მაჸუნჷ ისტორიულ ნეგატივიზმიშ გეშა, ნამუშ ღანკ რდჷ მარკოსეფიშ ბრენდიშ რეაბილიტაცია დო მუშ კონკურენტეფიშ ჯოხოშ გოტახუა.[10]

პრეზიდენტალაშ ბორჯის, მარკოს პირველ 16 თუთაშ განწეხანს პარალელურო ოფუტეშ მეურნობაშ მინისტრიშ პოსტის ხოლო იკენდჷ. თიქ გაგჷნძორუ პრეზიდენტ დუტერტეშ ინფრასტრუქტურულ პროგრამა Build! Build! Build!, მუშ ახალ პროგრამაშ „Build Better More“ მეშქაშობათ. გალენურ პოლიტიკა იხასიათებუ ამერიკაწკჷმა უმოს მეჭედელ ურთიართობეფიშ გოჭყაფაშ ცადებეფით, ნამუთ დუტერტეშ ადმინისტრაციაშ ჩინეთშა ორიენტირებულ პოლიტიკაშე კვათირ გინორთაფა რდჷ. ობჟათე ჩინეთიშ ზუღას ჩინეთიშ მოძინელ ტერიტორიულ აგრესიაშ ფონს, ნამუქჷთ ფილიპინურ ნიშეფწკჷმა აწორინალა გჷმიჭანუნ, მარკოსიქ მუსხირენშა დადასურჷ ფილიპინეფიშ იურისდიქცია თე აკანშე დო 2023 წანას გაცხადჷ, ნამჷ-და „თე ქიანა მუშ ტერიტორიაშ ართ დიუმს (ინჩის) ხოლო ვადინუანსჷნ“.[11] 2024 წანას, მარკოსიქ ქემკაკვალჷ ფილიპინეფიშ ოფშორულ ოლაჸაფე ოპერატორეფი, ნამუეფქჷთ წოხოლენ ადმინისტრაციაშ ბორჯის გემიარეს, ვიცე-პრეზიდენტ სარა დუტერტექ კაბინეტ ქჷდიტუ მარკოსეფიშ დო დუტერტეეფიშ პოლიტიკურ ფანიეფს შქას მოძინელ კონფლიქტიშ გეშა. 2025 წანა იხასიათებუდჷ ერუანულ ბიუჯეტიშ გეშა ნირზით, ვიცე-პრეზიდენტ დუტერტეშ იმპიჩმენტით, ჸოფირ პრეზიდენტ როდრიგო დუტერტეშ ჭოფუათ დო წყარალაშ კონტროლიშ პროექტეფწკჷმა მერსხილ მასშტაბურ კორუფციულ სკანდალით, ნამუთ თიქ პირველო მუქ მაბჟინუ დო გოუდღანჷნ.[12]

რესურსეფ ინტერნეტის

[რედაქტირაფა | წყუშ რედაქტირაფა]
მარკოსეფიშ ფანია

სქოლიო

[რედაქტირაფა | წყუშ რედაქტირაფა]
  1. ↑ “Marcos family once ousted by uprising wins Philippines vote in landslide“, May 10, 2022. კითხირიშ თარიღი: May 12, 2022. Lalu, Gabriel Pabico. “It's official: Bongbong Marcos sworn in as PH's 17th President“, June 30, 2022. კითხირიშ თარიღი: June 30, 2022. 
  2. ↑ “Dictator's son Ferdinand Marcos Jr. takes oath as Philippine president“, NPR, June 30, 2022. კითხირიშ თარიღი: July 1, 2022. (en) 
  3. ↑ Ellison, Katherine W. (2005). Imelda, steel butterfly of the Philippines. Lincoln, Nebraska. 
  4. ↑ Robles, Alan. “Philippine election: Who is Bongbong Marcos, what's his platform and China views, and why can't he visit the US?“, South China Morning Post, May 2, 2022. კითხირიშ თარიღი: May 2, 2022. 
  5. ↑ Philippines' Marcos Jr. Can Visit U.S Without Arrest Over $353M Court Order (June 9, 2022). კითხირიშ თარიღი: December 7, 2024.
  6. ↑ List of Committees. Senate of the Philippines (February 5, 2014). კითხირიშ თარიღი: February 21, 2026.
  7. ↑ Dictator's son Bongbong Marcos files candidacy for president (en-US). Rappler (October 6, 2021). კითხირიშ თარიღი: January 13, 2022.
  8. ↑ Verizon, Cliff. “Marcos officially declared Philippines' next president“, Nikkei Asia, May 25, 2022. კითხირიშ თარიღი: May 26, 2022. Morales, Neil Jerome. “hilippines Congress proclaims Marcos as next president“, Reuters, May 25, 2022. კითხირიშ თარიღი: May 26, 2022. 
  9. ↑ Martial Law Museum (en). კითხირიშ თარიღი: June 5, 2022.Kamm, Henry. “Philippine Opposition to Boycott Presidential Election“, The New York Times, February 6, 1981. კითხირიშ თარიღი: June 5, 2022. (en-US) Kamm, Henry. “Marcos Is Victor By a Huge Majority“, The New York Times, June 17, 1981. კითხირიშ თარიღი: June 5, 2022. (en-US) 
  10. ↑ “Filipinos fall for fake history“, The Standard (Hong Kong), March 30, 2022. კითხირიშ თარიღი: April 11, 2022. 
  11. ↑ Morales, Neil Jerome. “President Marcos says Philippines 'will not lose an inch' of territory“, Reuters, February 18, 2023. კითხირიშ თარიღი: November 17, 2025. 
  12. ↑ Robles, Raissa. “Could Philippines' flood-control corruption scandal engulf President Marcos too?“, South China Morning Post, September 26, 2025. კითხირიშ თარიღი: November 17, 2025. 
გორილი რე "https://xmf.wikipedia.org/w/index.php?title=ბონგბონგ_მარკოსი&oldid=249636"-შე