2013

2013 is een jaer.

Konienk Willem-Alexander

Hebeurtenissen

• 1 jannewari - Deur 'n gemeêntelike erindeêlienge ontsti de nieuwe gemeênte Goereê-Overflakkeê uut de ouwe gemeênten Goereê, Dirksland, Menheerse en Oôstflakkeê.
• 6 jannewari - Bie 'n brand in Maestricht komme tweê kinders omme.
• 15 feberwari - Bie het Russische Tsjeljabinsk raekt een meteoor de aerde. Deu rondvliegend glas (as gevolg van de klap) reake 'onderden mênsen gewond.
• 1 maerte - Han Polman wor Commissaoris van de Konieng(inne) in Zeêland.
• 9 maerte – De christelijke wiek van Lahore in Pakistan wordt geplunderd naedat 'n christen de islamitische profeet Mohammed zou 'ebben beledigd. Zeker 100 tot 160 'uuzen en tweê kerken wiere in brand gestoken.
• 24 april - Een textielfebriek in Bangladesh stort in mekaore. 'Ierbie valle 1.127 doôie.
• 30 april - Wullem-Alexander wor konienk nae een in'uldigingsceremonie in Amsterdam.
• 5 meie – Bie een anval op een makt en een kerreke in Njilan in Nigeria komme 10 mênsen om.
• 1 juli - Andorra gaet over op den euro.
• 29 juli - Een bomanslag op een kerreke in Kano (Noôrd-Nigeria) eist tenminste 29 leêvens.
• 22 september - Bie een anslag op de Allerheiligenkerk in Peshawar in Pakistan valle zeker 78 doôden.
• 3 oktober - Bie een scheepsramp naebie Lampedusa komme 359 illigaole immigrant'n om.
• 13 oktober - Extreme waeteroverlast op Goereê-Overflakkeê. Vee schae, vooral voo de akkerbouwers.
• 26 oktober - Een zeventienjaerig meisje uut Tole sturft nae complicaoties die ze kriegt bie de maezelen. Het meisje is het eêrste dat komt te overliejen bie een uutbraek van maezelen in 2013.
• 28 oktober - Sturm van 28 oktober 2013. Vee schae, mae vooral in 't noor'n van Nederland. Er valle drie doôdelijke slachtoffers.
• 29 oktober - D'r onstoôt brand in een windmeule bie Sluushaeven tussen Ouwe Tonge en De Plaete. Tweê monteurs komme hierbie om het leêven, tweê aore kunne d'r eige in veiligheid brienge. De brandweer die ter plekke kwam kon niks doewe, omdat de brand op 67 meter hoagte was.
• 4 november - Een windoôs veroorzaekt flienke schae in het Utrechtse stadje Wiek bie Duurstede. Er ontstoot een schaedespoor van 2 km, weerbie vee 'uuzen en bedrieven zwaer beschaedigd worre.
• 8 november - Een zwaere tyfoôn richt zeêr zwaere schae an op de Filepien'n. Deu deze tyfoôn Haiyan komme ruum 5.500 Filepino's om. Veural de stad Takloban wor biezonder zwaer getroffe.
• 22 november - In de Letse stad Riga stort een supermart in. Tenminste 18 man komme om. Het gebouw was nog mar tweê jaer oud.
• 5 december - Opnieuw een zwaere sturm, de kering goôt dicht. Sturm van 5 december 2013.
• 6 december - De veiligeidsraed van de VN stemt in mie een Franse interventie in de Centraâl Afrikaânse Republiek. In dit land maeke moslimmilities de boel onveilig.
• 25 december - Een ontploffende autobom kost op Eerste Kerstdag an tenminste 35 kerkhangers in de Iraekse stad Bagdad het leêven.

Hesturven

• 5 december - Nelson Mandela (95), Zuud-Afrikaons president en activist