西班牙
39°33′19″N 3°15′19″W / 39.55528°N 3.25528°W
西班牙王國 Reino de España | |
|---|---|
 旗
.svg) 紋章
| |
 | |
| 首都 同最大城市 | 馬德里 |
| 官方語言 | 西班牙文 |
| 受承認地方語言 | |
| 族裔 （2024） |
|
| 政府 | 單一制 議會制君主立憲制 |
• 國王 | 菲臘六世 |
• 首相 | 柏度·山齊士 |
| 立法機關 | 西班牙國會 |
• 上議院 | 參議院 |
• 下議院 | 眾議院 |
| 建立 | |
• 王朝統一 | 1479年1月20號 |
• 實際上統一 | 1516年1月23號 |
• 法律上統一 | 1715年6月9號 |
• 西班牙民主化 | 1978年12月29號 |
• 加入歐共體 | 1986年1月1號 |
| 面積 | |
• 總計 | 505,990 km2（195,360 sq mi）（第51名） |
• 水域（%） | 0.89[2] |
| 人口 | |
• 2024估計 | 48,692,804[3]（第30名） |
• 密度 | 96/km2（248.6/sq mi）（第121名） |
| GDP（PPP） | 2024年估算 |
• 總計 | ▲ $25,160億[4]（第15名） |
• 人均 | ▲ $52,012[4]（第36名） |
| GDP（國際匯率） | 2024年估算 |
• 總計 | ▲ $16,470億[4]（第15名） |
• 人均 | ▲ $34,045[4]（第32名） |
| 堅尼系數（%，2023） | ▼ 31.5[5] 中 |
| HDI（2022） | ▲ 0.911[6] 極高 · 第27名 |
| 貨幣 | 歐羅（€）（EUR） |
| 時區 | UTC±0至+1 （CET&WET） |
• 夏令時（DST） | UTC+1至+2 （CEST&WEST） |
| 西班牙大部分地區用CET/CEST，得加那利群島用WET/WEST。 | |
| 日期格式 | dd/mm/yyyy（AD） |
| 行車方向 | 靠右 |
| 電話區號 | +34 |
| ISO 3166代碼 | ES |
| 互聯網頂級域 | .es .eu |
∗由於唔同嘅排名表計法未必一樣，上面嘅排名（第幾名/位）同個一覽表入面個排名未必一樣。 ∗IMF網站嘅人均GDP數字，同用GDP除以上面人口數得出嚟嘅數有可能唔一樣。 | |
西班牙（粵拼：sai1 baan1 ngaa4，西班牙文：España），正式叫做西班牙王國（Reino de España），係一個橫跨歐非大陸嘅主權國家，歐盟 27 個成員國之一，首都喺馬德里。佢行嘅係「福利國家民主法治」制度，政體係君主立憲議會制。全國分咗做 17 個自治區，下面再細分 50 個省，另外喺非洲北面仲有兩個自治市。
西班牙大部份地方喺歐洲西南面，即係伊比利半島嗰邊，仲有地中海嘅巴利阿里群島。但佢喺非洲都有地盤，好似休達（Ceuta）、梅利利亞（Melilla）、大西洋嘅加那利群島。最特別係喺庇里牛斯山入面，有個叫利維亞（Llivia）嘅地方，成個鎮被法國領土包圍住。西班牙總面積大約 50 萬平方公里，係歐洲第四大國，而且平均海拔 650 米，係歐洲其中一個最多山嘅國家。
截至 2025 年 10 月，西班牙住咗 4,944 萬人。雖然人多，但比起其他歐洲國家，人口密度算係比較疏，大部分人口集中喺大城市。根據憲法，卡斯蒂亞語（即西班牙語）係全國官方語言。佢係世界上第二多人講嘅母語，全球有成 5 億人攞佢做母語，計埋半桶水嘅話差唔多有 6 億人，係西班牙留畀世界最重要嘅文化遺產。佢哋文化屬於拉丁系，受羅曼同希臘文化影響好深，境內嘅聯合國世界遺產數量排全球第四。
西班牙係發達國家，人類發展指數（HDI）極高，人均壽命全球排第十。佢係高收入經濟體，2024 年 GDP 排全球第 14、歐盟第 4。西班牙仲係旅遊大國，遊客量同旅遊收入都係全球第二，2019 年有成 8,300 萬遊客去玩。西班牙係好多國際組織嘅成員，好似有聯合國、歐盟、北約、以及係 G20。
最早見到屬於人類（Homo）嘅人類足跡，可以追溯到 120 萬年前，喺西班牙嘅阿塔普爾卡（Atapuerca）遺址發現咗一塊未定種嘅人下顎骨就係證據。到咗公元前 3 世紀，羅馬人介入咗伊比利亞半島，之後征服咗呢度，呢度後嚟就叫「西班牙」（Hispania）。中世紀時期，呢個地方俾唔同嘅日耳曼部落同穆斯林佔領，穆斯林仲留咗七百幾年。到咗 15 世紀，卡斯提亞同阿拉貢兩大王國合併，加上納瓦拉王國被吞併，西班牙呢個名就奠定咗基礎。到咗近代早期，西班牙君主統治咗世界上第一個全球性帝國，領土遍及五大洲，留低咗好多文化同語言遺產喺全世界。19 世紀初，經過拉丁美洲打咗好多仗，西班牙失去咗大部分美洲殖民地，1898年嘅西班牙-美國戰爭更令佢冇曬所有喺美洲嘅地盤。呢個世紀仲有同法國入侵者打仗、內戰、一個短暫嘅共和國之後又變返君主立憲制，同埋國家現代化嘅過程。20 世紀初，又成立咗一個憲政共和國。一次失敗嘅軍事政變引發咗內戰，內戰結束後就係佛朗哥嘅獨裁統治，直到佢 1975 年死咗，開始向民主轉型。轉型嘅高潮係 1978 年憲法嘅制定、公投通過同頒布。之後「西班牙經濟奇蹟」期間，國家嘅經濟同社會發展一直持續到今日嘅民主時期。
舊時廣東話西班牙仲有個名叫大呂宋，因為西班牙曾經係菲律賓嘅宗主國，而菲律賓以前叫呂宋。相反，菲律賓亦都有個名叫「小西班牙」。
名源
[編輯]西班牙（España）呢個名嚟自拉丁文 Hispania，係古羅馬人喺羅馬共和國同羅馬帝國時期，用嚟稱呼伊比利半島。而 Hispania 呢隻字嘅真正來源，到而家都仲未完全確定。
腓尼基人曾經將呢個地區叫做 i-shphan-im，可能解作「兔或者蹄兔之地」[7]、「金屬之地」[8][9]，亦或係「北方嘅島」[10]。哈德良在位期間，當地鑄造嘅羅馬錢幣上面描繪咗一位女性，腳邊有一隻兔[11]；斯特拉波（Strabo）就將呢度形容做「好多兔嘅地方」[12]。
歷史
[編輯]西班牙曾經畀好多個民族統治過。由公元前10世紀左右開始，利古勒人（Ligures）、巴斯克人（Basque）、塔提蘇人（Tartesian）、伊比利人（Iberian）先後進入伊伯利亞半島（Iberian Peninsula）。
公元前6世紀，塞爾特人（Celtic）嚟到咗呢片土地，帶嚟咗先進嘅鐵器製造技術，從而增加咗農產量同埋提高咗戰鬥力；塞爾特人又發展咗採礦技術，引嚟咗好似腓尼基人（Phoenician）、希臘人（Greek）同埋伽太基人（Carthaginian）等等嚟到伊伯利亞半島嘅東南部做買賣。
隨後到咗公元前3世紀，西班牙畀羅馬人（Roman）征服，變咗做三個行省 Tarraconense、Betica 同埋 Lusitania，統治咗超過七個世紀。羅馬人為西班牙帶嚟咗賦稅制度、貨幣制度，又起咗好完善嘅交通網絡。而家嘅西班牙文亦都係當時羅馬人帶嚟嘅拉丁文本地化之後傳承落嚟嘅語言。
5世紀初，阿拉諾人（Alanos）、汪達爾人（Vândalos）同埋斯維匯人（Suevos）短暫噉入侵過西班牙，後來畀日耳曼族嘅西哥德人（Visigoth）打敗。西哥德人以托萊多（Toledo）做中心，建立王國。維持咗300年，到711年，信回教嘅北非洲摩爾人（Moors）入侵西班牙，消滅咗西哥德王國，建立「倭馬亞王朝」（Umayyad Dynasty），首都設喺科爾多瓦（Córdoba），伊比利亞半島進入回教徒統治時期。西班牙人逃亡咗去北部建立基督教政權，繼續驅逐摩爾人嘅戰爭（光復運動）。到1492年，西班牙人終於收復喺最南邊嘅格蘭納達（Granada），趕走最後一批回教徒，結束穆斯林對西班牙長達782年嘅統治，基本上叫做統一咗成個西班牙。
喺十五到十七世紀，西班牙受到咗葡萄牙成功發展航海事業嘅刺激，加上想開採黃金同埋傳教，於是招攬各國嘅航海精英，其中以意大利熱那亞（Genoa）人哥倫布（Christopher Columbus）同埋葡萄牙人麥哲倫（Ferdinand Magellan）嘅表現最突出，由1492年到1609年，係史學家所謂嘅「黃金時代」。西班牙用暴力及各種手段攻打同佔領咗大片土地，西班牙嘅殖民地遍及中美洲（墨西哥、古巴、巴拿馬等等）、南美洲（委內瑞拉、秘魯、智利、阿根廷等等）、非洲（阿爾及爾、的黎波里、突尼斯等等）、亞洲（菲律賓群島等等）同大洋洲（關島、密克羅尼西亞聯邦、帛琉、北馬里亞納群島等等）。直到工業革命爆發，英國、法國、德國等國迅速崛起，西班牙喺世界上經濟同政治嘅影響力先至日漸式微。
1898年，西班牙同美國打海戰，史稱「美西戰爭」，結果西班牙輸咗。根據《巴黎和約》，西班牙要以2000萬美元嘅代價割讓菲律賓、關島、安娜塔西亞島同埋波多黎各等殖民地畀美國，又要畀古巴獨立。呢場仗再加上自由主義嘅興起，影響中南美洲好多西班牙嘅殖民地一個二個爭取獨立。
到咗20世紀，西班牙喺第一次世界大戰保持中立而且唔直接參與第二次世界大戰，不過都重係走唔甩打仗嘅命運。1936年7月，佛朗哥將軍（Generalísimo Francisco Franco）發動軍事政變，引發激烈內戰，傷亡成百萬人。直到1939年，佛朗哥攻陷馬德里，內戰結束，佛朗哥開始長達36年嘅獨裁統治，直到佢1975年11月過身。佛朗哥將軍主政期間，科技人才、知識分子同埋藝術家唔係外流就係畀人暗殺，工運、學運、暴動連年，恐怖活動盛行，係西班牙史上嘅一幕悲劇。
地理
[編輯]
西班牙佔有大部份伊比利亞半島，西接葡萄牙，北面係法國同安道爾，南接直布羅陀海峽。佢喺東面地中海水域佔有巴利阿里羣島（Illes Balears），喺西面大西洋嘅領土有加那利羣島。
西班牙嘅大城市除咗首都馬德里之外，重有巴塞隆拿、華倫西亞、西維爾/塞維利亞（Sevilla）、馬拉加（Málaga）同畢爾包/畢爾巴鄂（Bilbao）等等。
政區
[編輯]西班牙全國劃分做17個自治區同2個自治市，下設50個省，另外喺地中海有3個由中央政府直轄嘅主權地。
| 自治區 | 自治市 | ||
|---|---|---|---|
政治
[編輯]
西班牙喺1982年成為北大西洋公約組織（NATO）成員國，又喺1986年成為歐洲聯盟（EU）成員國，亦係聯合國（UN）嘅成員。
現任領導人
[編輯]國旗
[編輯]西班牙國旗又叫做「血與金」，由紅黃兩色組成；紅色係鬥牛士嘅鮮血，黃色係鬥牛場嘅泥土嘅色。國旗中間嘅黃色部份靠左繪有國徽；國徽入便嘅四個公仔代表咗組成西班牙嘅四個古老王國。
呢支旗最早喺1785年由國王卡洛斯三世揀咗嚟做打仗嘅軍旗，之後就一路係國家嘅象徵。1977年正式成為國旗。1981年決定用國徽取代本身晌旗面上面嘅一個盾徽公仔。
其他國家象徵
[編輯]領土糾紛
[編輯]
西班牙政府一路都要求英國交還西班牙最南面嘅半島直布羅陀。1704年英國喺西班牙王位繼承戰爭征服咗直布羅陀，打輸嘅西班牙喺1713年簽《烏得勒支和約》，將直布羅陀永久割讓畀英國。雖然西班牙一直希望直布羅陀可以回歸，但當地多數居民都接受英國統治，搞過幾次公投都係同一個結果。
國內問題
[編輯]經濟
[編輯]
一般經濟數據
[編輯]西班牙由2003年到2007年每年嘅經濟增長都維持喺平均百分之三以上，對比衰退緊嘅歐洲經濟算係令人滿意。2007年，西班牙嘅人均國內生產總值（GDP）大約係30100美元（估計數字）。
西班牙嘅製造業、旅遊業發達。國內工業方面，西班牙係世界最大嘅造船國之一，又係最大嘅汽車生產國之一。除此之外，紡織業、食品工業、金屬製造、化工業、機械、造鞋業、製藥業都係主要工業。
西班牙近年嘅經濟開放效果好理想，但係失業率就一直居高不下，2007年嘅估計數字係百分之八點三。西班牙實行8年免費義務教育。
證券交易
[編輯]西班牙喺馬德里有間交易所叫做馬德里證券交易所（Bolsa de Madrid），截至2007年10月底，市值係全球第十大，喺歐洲就僅次於泛歐股票交易所（Euronext）、倫敦證券交易所同法蘭克福證券交易所，排名第四。
通貨
[編輯]由1999年1月1號開始，西班牙引入歐元（Euro）同本身嘅通貨比塞塔（Peseta）並行而成為法定貨幣。2002年中正式淘汰比塞塔。
匯率：每1歐元兌166.38比塞塔（固定匯率）。
文化
[編輯]
西班牙係一個多元文化嘅地方，比較特別同受歡迎嘅風俗活動包括鬥牛同埋佛朗明哥舞（Flamenco）。
語言
[編輯]西班牙有幾種主要嘅語言，包括：
- 西班牙話（Spanish）— 又叫做卡斯提爾文（Castillian），係世界第三大語言，用嘅人高達5億9千萬，係聯合國六種官方語言之一，亦係非洲聯盟（AU）同埋歐洲聯盟嘅官方語言。
- 加泰羅尼亞話（Catalan）— 喺加泰隆尼亞（Cataluna）、華倫西亞（Valencia）通用而且係官方語言，喺西班牙之外，佢亦都係安道爾嘅官方語言。
- 巴斯克話（Basque）— 北邊嘅語言 ，同其他屬於印歐語系羅曼語族嘅語文唔係同一個語系。
- 加利西亞話（Galician）— 相當近似葡文，喺西班牙西北部通用。
|
飲食
[編輯]
西班牙出名菜式包括：
運動
[編輯]1992年，巴塞隆拿舉行咗四年一度嘅1992年夏季奧林匹克運動會，嗰屆西班牙一共攞到13金7銀2銅一共22面獎牌（其中一面金牌係男子足球），喺獎牌榜排第六。
體育界嘅「教父級」重要人物，國際奧林匹克委員會前主席薩馬蘭奇侯爵（Juan Antonio Samaranch）都係西班牙人。
足球
[編輯]1964年，西班牙舉辦咗歐洲國家盃，重攞到冠軍。2008同2012年，再攞多兩次歐洲國家盃冠軍。
1982年，西班牙舉行咗四年一度嘅FIFA世界盃，嗰屆西班牙喺第二輪分組賽出局（輸畀西德，和英格蘭）。
2010年，西班牙贏咗世界盃足球賽冠軍，西班牙同荷蘭之戰喺加時最後4分鐘踢入全場唯一嘅入波。
運動員
[編輯]出面網頁
[編輯]
- 西班牙嘅官方網站
- 西班牙旅遊官方網站
- España | Unión Europea，歐洲聯盟 （西班牙文）
- 〈国家概况 — 中华人民共和国外交部〉 (簡體中文)。中華人民共和國外交部。
- 〈西班牙王國 Kingdom of Spain - 歐洲地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
- "Spain - United States Department of State" (英文). 美國國務院.
- 西班牙喺中央情報局《世界概況》嘅資料 （英文）
- 〈スペイン ｜ 外務省〉 (日文)。日本外務省。
- "Spain - Department of Foreign Affairs and Trade" (英文). 澳洲外交貿易部.
| 成員國 |  | |
|---|---|---|
| 前成員國 | ||
.svg){kind=small}
北大西洋公約組織（NATO） | ||
|---|---|---|
| 成員國 |  | |
| 候選國 | ||
西班牙文國同國際組織 | |||||||||||
|---|---|---|---|---|---|---|---|---|---|---|---|
| 法律上 |
| ||||||||||
| 實際上 |
| ||||||||||
| 國際組織 | |||||||||||
