Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 214.724 məqalə mövcuddur.

Həftənin seçilmiş məqaləsi

Məərri — indiki Suriya ərazisi olan Hələb əmirliyindən olan ərəb filosofu, şairi və yazıçısı. Onun dinə tənqidi münasibəti səbəbindən dövrünün ən önəmli ateistlərindən biri kimi təqdim edildiyi məlum olmuşdur, lakin dünyagörüşünün daha çox deizmə yaxın olduğu göstərilmişdir. Abbasilər dövrünün son mərhələsində, Məərrə şəhərində anadan olmuş, gənc yaşlarında çiçək xəstəliyi nəticəsində görmə qabiliyyətini itirmişdir. Buna baxmayaraq, əvvəlcə yaxınlıqdakı Hələbdə, daha sonra Tripoli və Antakyada təhsil almışdır. Bağdadda geniş yayılmış şeirlər yazmış, lakin əsərlərini satmaqdan imtina etmişdir. 1010-cu il ətrafında anasının səhhətinin pisləşməsi ilə əlaqədar Suriyaya qayıtmış və yazı fəaliyyətini davam etdirmişdir. Bu fəaliyyət ona yerli əhali arasında böyük hörmət qazandırmışdır.

(Davamı...)

Həftənin yaxşı məqaləsi

Azərbaycan Yüksək Dəstəsi 2002/2003 — futbol üzrə Azərbaycan Yüksək Dəstəsinin keçirilməsi planlaşdırılmış, lakin baş tutmamış mövsümü. Sayca 12-ci mövsüm olmağına baxmayaraq, keçirilməmiş olduğu üçün 12-ci mövsüm 2003/2004 mövsümü hesab edilir. Bu mövsüm müstəqil Azərbaycanın futbol tarixində ən qalmaqallı və mürəkkəb dövrlərdən biri kimi yadda qalmışdır. Mövsümün ləğv edilməsi ilə nəticələnən böhran ölkə futbolunu 400 gün ərzində iflic vəziyyətinə salmış, Azərbaycan klubları ardıcıl ikinci dəfə UEFA turnirlərindən kənarda qalmışdır.

AFFA-nın fəaliyyəti ətrafında illər boyu davam edən mübahisələr, xüsusilə də qurumun prezidenti Fuad Musayevin siyasəti əksər klubların ciddi narazılığına səbəb olmuşdur. "Neftçi", "Turan" və "Şəfa" ilə bağlı qalmaqallar, mübahisəli hakimlik qərarları, eləcə də federasiyanın "Şəfa" klubuna açıq himayədarlığı futbol ictimaiyyətində güclü etiraz dalğası yaratmışdır. (Davamı...)

Həftənin seçilmiş siyahısı

2026-cı ildə Azərbaycan mədəniyyəti — Azərbaycan mədəniyyətində 2026-cı ildə baş verən vacib mədəniyyət hadisələrini əhatə edir. 2026-cı ilin Azərbaycanda "Şəhərsalma və Memarlıq İli" elan edilməsi Azərbaycanın çoxəsrlik tarixə malik şəhərsalma və memarlıq mədəniyyəti ənənələrinin yaşadılması, eləcə də ölkədə bu sahədə yeni çağırışlara cavab verən mütərəqqi yanaşmaların təşviqi və tətbiqinin genişləndirilməsi məqsədilə baş vermişdir. 2026-cı ildə Azərbaycanda Birinci Türkoloji Qurultayın 100 illik yubileyinin və Xaqani Şirvaninin 900 illik yubileyinin müxtəlif tədbirlər vasitəsilə qeyd edilməsi ilə bağlı qərar qəbul edilmişdir.

(Davamı...)

Günün seçilmiş şəkli

Xəbərlər

Azərbaycanın paytaxtı Bakıda növbəti 13-cü Ümumdünya Şəhərsalma Forumu (şəkildə) keçirilir.
Rusiya Ukraynanın mümkün dron hücumu ehtimalı fonunda Qələbə Günü münasibətilə hərbi parad keçirib.
Birləşmiş Ərəb Əmirlikləri OPEC üzvlüyündən çıxıb.

Aktual hadisələr: İran müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Hacıbaba Əzimov, Musa Alməmmədov, Kazuo İmanişi, Mixael Rabin, Maqsud Məmmədov, Aşa Bhosle

Bilirsinizmi?

Quran ilk dəfə Azərbaycan dilinə tərcümə olunduqdan sonra onun bir nüsxəsi Yusif Ziya Talıbzadə (şəkildə) vasitəsilə Osmanlı sultanı və xəlifə II Əbdülhəmidə hədiyyə kimi göndərilmişdir.
Azərbaycan–Ermənistan dostluq münasibətlərindən bəhs edən "Dostluq" mahnısının sözləri Zeynal Cabbarzadə, musiqisi Andrey Babayevə məxsusdur.
Birinci rus inqilabı zamanı Perm işçilərini qoruyan Sigizmund Kosetskinin ləqəbi "İblis" idi.
İnsan həyatı və ölümü üzərində sosial-siyasi gücün tətbiq olunması nekrosiyasət adlanır.
Vikipediya yeni yarandığı vaxtlarda ilk inzibatçılar Cimmi Vels tərəfindən müəyyən olunmuşdur.