ثانیه

ثانیه
پاندول ایله ایشله‌ین بیر ساعات
بیریم بیلگیسی
اؤلچو سیستمی	اس‌آی اصلی بیریمی
نه‌یین بیریمی	زامان
سیمگه	s
رسمی تعریفی
تعریفله‌ین مرجع	میلتلر آراسی آغیرلیقلار و اؤلچولر کوْمیته‌سی
تعریفله‌ین حادیثه	۲۰۱۸ آغیرلیقلار و اؤلچولر عومومی کونفرانسی
گئچرلیلیک تاریخی	۲۰ مئی ۲۰۱۹
تعریف	ثانیه، میلتلر آراسی بیریملر سیستمینده زامانین بیریمی دیر. ۱ ثانیه، اَن دۆشوک انرژی سویّه‌سینده‌کی سزيوم-۱۳۳ آتوْمونون صیفر کلوین‌ دماسیندا ایکی هايپرفین سویّه آراسینداکی گئچیش شوعالانماسی‌نین ۹،۱۹۲،۶۳۱،۷۷۰ پریوْدونون زامان سۆره‌سی دیر.

ثانیه (اینگیلیسجه: Second)، زامان کمیّتی‌نین اس‌آی سیستمینده‌کی بیریمی دیر. قدیمدن ثانیه، گۆن‌ون ‎1⁄86400 کسری اوْلاراق تانیملانیردی. ثانیه زامان‌دان سوْنرا، باشقا بعضی فیزیکسل کمیّتلرین بیریملرینده نقشی وار، اؤرنک اوْلاراق سۆرعت بیریمی متر بؤلۆ ثانیه (m/s)'ده ایشلنمیشدیر. میلتلر آراسی بیریملر سیستمی‌نین تعریفینه گؤره، ۱ ثانیه، اَن دۆشوک انرژی سویّه‌سینده‌کی سزيوم-۱۳۳ آتوْمونون صیفر کلوین‌ دماسیندا ایکی هايپرفین سویّه آراسینداکی گئچیش شوعالانماسی‌نین ۹،۱۹۲،۶۳۱،۷۷۰ پریوْدونون زامان سۆره‌سی دیر.

اِس‌آی اؤن‌اَکلری

اس‌آی اؤن‌اَکلری معمولا بیر ثانیه‌دن آز اوْلان زامان اۆچون ایشلنرلر و بیر ثانیه‌دن چوْخ اولان زامانلارا اس‌آی سیستمینده اوْلمایان دقیقه، ساعات، گۆن و ژولین ایلی ایشلنمکده‌دیر.

ثانیه (s) اۆچون اِس‌آی اؤن‌اَکلری

آلت ضریب‌لر				ضریب‌لر
دَیَر	سیمگه	آد		دَیَر	سیمگه	آد
۱۰-۱ s	ds	دسی‌ثانیه		s ۱۰۱	das	دکاثانیه
۱۰−۲ s	cs	سانتی‌ثانیه		۱۰۲ s	hs	هکتوثانیه
۱۰−۳ s	ms	میلی‌ثانیه		۱۰۳ s	ks	کیلوثانیه
۱۰−۶ s	µs	میکروثانیه		۱۰۶ s	Ms	مقاثانیه
۱۰−۹ s	ns	نانوثانیه		۱۰۹ s	Gs	قیقاثانیه
۱۰−۱۲ s	ps	پیکوثانیه		۱۰۱۲ s	Ts	تراثانیه
۱۰−۱۵ s	fs	فمتوثانیه		۱۰۱۵ s	Ps	پتاثانیه
۱۰−۱۸ s	as	آتوثانیه		۱۰۱۸ s	Es	اکزاثانیه
۱۰−۲۱ s	zs	زپتوثانیه		۱۰۲۱ s	Zs	زتاثانیه
۱۰−۲۴ s	ys	یوْکتوثانیه		۱۰۲۴ s	Ys	یوْتاثانیه
چوْخ ایشلنن اؤن‌اَکلر قالین فونت (Bold) ایله یازیلمیشلار.

قایناقلار

ویکی‌آمباردا ثانیه ایله مربوط فایل وار.