Edukira joan

2026ko Eurovision Abesti Lehiaketa

Wikipedia, Entziklopedia askea
2026ko Eurovision Abesti Lehiaketa
Lehen finalerdia 2026ko maiatzak 12
Bigarren finalerdia 2026ko maiatzak 14
Finala 2026ko maiatzak 16
Egoitza Wiener Stadhalle, Viena
Aurkezlea(k) Michael Ostrowski
Victoria Swarovski
Antolatzailea Österreichischer Rundfunk (ÖRF)
Partaide kopurua 35
Itzulerak Image Bulgaria
Image Errumania
Image Moldavia
Erretiratuak Image Eslovenia
Image Espainia
Image Herbehereak
Image Irlanda
Image Islandia
Irabazlea Image Bulgaria
"Bangaranga"

2026ko Eurovision Abesti Lehiaketa Eurovision Abesti Lehiaketaren 70. edizioa izango da. Bi finalerdiz (maiatzaren 12 eta 14ean) eta final batez (maiatzaren 16ean) osatuta egongo da. Vienako Wiener Stadthalle antzeztokian ospatu zen, Austrian, herrialdeak 2025eko edizioa irabazi baitzuen JJ eta haren kanta "Wasted love"-ri esker. Hortaz, edizioa Europako Irrati-telebista Batasunak (EBU) Austriako Irrati-telebistarekin batera (ÖRF) antolatu zuen.

Edizioa Israelen partaidetzaren inguruan hartutako erabaki polemikoak nabarmentzen du. Britainia Handiko BBC telebistaren hitzetan, «Eurovision lehiaketaren historiako krisirik gogorrena». Izan ere, Israel Gazan egiten ari den inbasio eta genozidioak zenbait herrialderen erretiratzea eragin du.[1]

Lehiaketa Bulgariak irabazi zuen, "Bangaranga" abestiarekin, Darak aurkeztuta: herrialde haren lehen garaipena da. Podioa Israel eta Errumaniak osatu zuten: azkenak bere 2005 eta 2010eko posturik hoberenak berdindu zuen. Beste aldetik, finalaren azken lekuan Erresuma Batua geratu zen, Alemania eta Belgikarekin batera telebotoarengatik 0 puntu jaso zituena.

Herrialdeka, Luxenburgo lehen aldiz finaletik kanpo geratu zen, herrialdearen inoizko emaitzarik txarrena lortuta. Hala ere, Azerbaijan eta Georgia iritsi ziren finalerdietan azkeneko, biek haien inoizko puntuaziorik txikienak (2 eta 5 puntu, hurrenez hurren) lorturik. Azerbaijan da, edizio horren ostean, finaletik kanpo edizio gehien segidan daramatzan herrialdea, laurekin. Parte hartzeak kontuan hartuta, baina, titulu hori Montenegrok dauka, haien azken finala duela zazpi partehartze izan baitzen (2015ean). Suitza, Armenia eta Portugal finaletik kanpo geratu ziren lehen aldiz 2018, 2019 eta 2019tik, hurrenez hurren. Beste aldetik, Finlandiak eta Lituaniak finalerako beren sailkapen-arrakastarik luzeena segurtatu zuten, sei urte segidan han agertu baitira. Australiak azken hamar urteetako bere posturik hoberena (4.) lortu du, eta Danimarkak bere azken hamahiru urtekoa (7.), 2013an irabazi zutenetik, alegia.

Kokapena

[aldatu | aldatu iturburu kodea]

2026ko lehiaketa Vienan, Austrian, egin zen. Hirugarren aldiz Vienan eta Austrian eratu zen: aurretik, 1967an eta 2015ean egin zuten. 2015ean bezala, hautatutako egoitza Wiener Stadhalle eremua da.[2]

Egoitza nagusiaz alde, Eurovision Auzoa Rathausplatzean izan zen. Bertan, lehiaketako parte hartzaileen zein tokiko artisten antzezpenak izan ziren, bai eta lehiaketaren zuzeneko emanaldiak publiko orokorrarentzat. Vienako Udaletxean aldiz EuroKluba kokatu zen: bertan festa-ondorengo ofizialak eta parte hartzaileen antzezpen pribatuak izan ziren. Han ere ospatu zen "Alfonbra turkesa" eta irekiera zeremonia maiatzaren 10ean: parte hartzaileak eta beren ordezkaritzak prentsa eta zaleen aurrean ofizialki aurkeztu ziren. Hortaz, bi lekuek 2015ean bete zuten funtzioa berriz egin zuten.[3]

Parte hartzaileak

[aldatu | aldatu iturburu kodea]

Eurovision Abesti Lehiaketan parte hartzeko hautagaitzak EBUko kide den emisore nazional bat behar du, lehiaketa Eurovision sarearen bidez jaso eta zuzenean nazio mailan emititzeko gai dena. EBUk lehiaketan parte hartzeko gonbidapenak igorri zizkien kide guztiei: erantzuteko, irailaren 15era arte zuten, eta ondoren abendura arte zeukaten isunik jasan gabe erretiratzeko.[4]

35 herrialdek parte hartu zuten, 2025eko abenduaren 15ean EBUk aurkeztu zuen bezala. Bulgaria hiru urteko etenaldiaren ondoren berrageri zen, Errumania bi urte ondoren, eta Moldavia urte bakarreko etenaldiaren ondoren.[5] Aldiz, Eslovenia, Espainia, Herbehereak, Irlanda eta Islandiak ez zuten parte hartu, Israelen presentziaren aurka protestatzeko. Lehiaketari inoiz egindako boikotik handiena da, 1970ean egin zenaren parekoa.

Lehendik parte hartu zuten bi artista itzuli ziren: Estoniako Vanilla Ninja taldea, jada 2006ean lehiatu zirenak, eta San Marinoren ordez lehiatu zen Senhit, 2011 zein 2021ean parte hartu zuena. Honetaz gain, 2013an Moldaviaren ordezkatzaile eta 2012an koro-abesle izan zen Aliona Moon aurtengo Satoshiren kantan ere koro-abesle gisa itzuli zen. Azkenik, Georgiaren ordezkariak 2008ko Junior Eurovision Abesti Lehiaketaren irabazleak, Bzikebi taldea, izan ziren.

Herrialdea Artista Abestia Hizkuntza Euskarazko itzulpena Egilea(k)
Image Albania Alis "Nân" Albaniera Ama Alis Kallaçi, Desara Gjini
Image Alemania Sarah Engels "Fire" Ingelesa Sua Dario Schürmann, Luisa Heinemann, Raphael Lott, Sarah Engels, Valentin Boes
Image Armenia Simón "Paloma rumba" Ingelesa Paloma rumba Lilit Navasardyan, Roza Kostandyan, David Tserunyan, Eva Voskanyan
Image Australia Delta Goodrem "Eclipse" Ingelesa Eklipsea Delta Goodrem, Ferras Alqaisi, Jonas Myrin, Michael Fatkin
Image Austria Cosmó "Tanzschein" Alemana Dantzatzeko baimena Benjamin Gedeon, Elias Stejskal, Ella Stern
Image Azerbaijan Jiva "Just go" Ingelesa, Azerbaijanera Joan eta kito Fuad Javadov
Image Belgika Essyla "Dancing on the ice" Ingelesa Izotz gainean dantzatzen Alice van Eesbeeck, Barbara Petitjean, Emil Stengele, Nicolas d'Avell
Image Bulgaria Dara "Bangaranga" Ingelesa - Anne Judith Wik, Cristian Tarcea, Darina Jotova, Dimitris Kontopoulos
Image Danimarka Søren Torpegaard Lund "Før vi går hjem" Daniera Gu etxera joan baino lehen Clara Sofie Fabricius, Søren Torpegaard Lund, Thomas Meilstrup, Valdemar Littauen Bendixen
Image Erresuma Batua Look Mum No Computer "Eins zwei drei" Ingelesa Bat, bi, hiru Julie Aagaard, Lasse Midtsian Nymann, Sam Battle, Thomas Stengaard
Image Errumania Alexandra Căpitănescu "Choke me" Ingelesa Ito nazazu Alexandra Căpitănescu, Călin-Alexandru Grăjdan, Elvis Silitră, Ștefan Condrea
Image Estonia Vanilla Ninja "Too epic to be true" Ingelesa Epikoegia benetakoa izateko Sven Lõhmus
Image Finlandia Linda Lampenius eta Pete Parkkonen "Liekinheitin" Finlandiera Su-jaurtigailua Antti Riihimäki, Lauri Halavaara, Linda Lampenius, Pete Parkkonen, Vilma Alina Lähteenmäki
Image Frantzia Monroe "Regarde!" Frantsesa Begira! Christopher Cohen, Fred Savio, Fredie Marche, Maxime Morise
Image Georgia Bzikebi "On replay" Ingelesa Behin eta berriro Giga Kukhianidze, Lizi Japaridze
Image Grezia Akylas "Ferto" Greziera[nb 1] Emaidazu Akylas Mytilinaios, Orfeas Nonis, Theofilos Pouzbouris, Thomas Papathanasis
Image Israel Noam Bettan "Michelle" Frantsesa, Hebreera, Ingelesa - Nadav Aharoni, Noam Bettan, Tzlil Klifi, Yuval Raphael
Image Italia Sal Da Vinci "Per sempre sì" Italiera, Napoliera Betirako baietz Alessandro La Cava, Eugenio Maimone, Francesco Sorrentino, Federica Abbate, Federico Mercuri, Giordano Cremona, Salvatore Michael Sorrentino
Image Kroazia Lelek "Andromeda" Kroaziera Andromeda Filip Lacković, Lazar Pajić, Tomislav Roso, Zorica Pajić
Image Letonia Atvara "Ēnā" Letoniera Itzaletan Jānis Jačmenkins, Liene Stūrmane
Image Lituania Lion Ceccah "Sólo quiero más" Lituaniera, Ingelesa[nb 2] Gehiago besterik ez dut nahi Aurimas Galvelis, Tomas Alenčikas
Image Luxenburgo Eva Marija "Mother nature" Ingelesa Ama natura Eva Marija Kavaš Puc, Julie Aagaard, Maria Broberg, Thomas Stengaard
Image Malta Aidan "Bella" Ingelesa, Maltera Ederra Aidan Cassar, Joep van den Boom, Sarah Bonnici
Image Moldavia Satoshi "Viva Moldova!" Errumaniera[nb 3] Gora Moldavia! Vlad Sabajuc
Image Montenegro Tamara Živković "Nova zora" Montenegroera Egunsenti berria Boris Subotić
Image Norvegia Jonas Lovv "Ya ya ya" Ingelesa - Jonas Lovv Hellesøy, Sondre Skaftun
Image Polonia Alicja "Pray" Ingelesa Otoi egin Alicja Szemplińska, Sinclair Alan Malcolm, Weronika Gabryelczyk
Image Portugal Bandidos do Cante "Rosa" Portugesa Arrosa Duarte Farias, Francisco Pereira, Francisco Pestana, Francisco Raposo, Gonçalo Narciso, Gui Alface, José Carlos Coelho Almeida Tavares, Luis Aleixo, Miguel Costa
Image San Marino Senhit ft. Boy George "Superstar" Ingelesa - Anderz Wrethov, George Alan O'Dowd, Julie Aagaard, John-Emil Johansson, Thomas Stengaard, Senhit Zadik
Image Serbia Lavina "Kraj mene" Serbiera Nire ondoan Andrija Cvetanović, Bojan Ilić, Ivan Jegdić, Luka Aranđelović, Nikola Petrović, Pavle Aranđelović, Pavle Samardžić
Image Suedia Felicia "My system" Ingelesa Nire sistema Audun Agnar Guldbransen, Emily Harbakk, Felicia Eriksson, Julie Bergan, Theresa Rex
Image Suitza Veronica Fusaro "Alice" Ingelesa - Veronica Fusaro, Charlie McClean
Image Txekia Daniel Zizka "Crossroads" Ingelesa Bidegurutzea Daniel Žižka, Viliam Béreš
Image Ukraina Leléka "Ridnym" Ingelesa, Ukrainera Senideak Adama Cefalu, Jakob Hegner, Viktoriia Leleka, Yaroslav Dzhus
Image Zipre Antigoni "Jalla" Ingelesa, Zipreko greziera Gehiago Antigoni Buxton, Charalambous Kallona, Connor Mullally-Knight, Demetris Nikolaou, Klejdi Lupa, Paris Kalpos, Trey Qua

Iruzkinak

[aldatu | aldatu iturburu kodea]
  1. ↑ Frantses, gaztelania eta ingelesezko esaldiekin
  2. ↑ Frantses, gaztelania eta latinezko esaldiekin
  3. ↑ Frantses, gaztelania, hawaiiera, ingeles, italiera eta latinezko esaldiekin

Israelen parte-hartzea

[aldatu | aldatu iturburu kodea]

Israelen Gazako inbasioak eztabaida eragin du Israelek eta haren irrati-telebista Kan-ek parte hartzeari buruz. Horren harira, herrialdea jadanik 2024 zein 2025eko edizioetatik kanporatzeko kanpaina zein eskaerak izan ziren[6][7][8]. Israelen ekintza geopolitikoez gain, haien lehiatzeko modua eta jarrera biziki kritikatuak izan ziren, zilegitasun, gardentasun zein legitimitate faltak argudiatuta.

2024an, salatu zen "Hurricane" (hasiera batean "October rain" deitua) israeldar kantak urriaren 7ko erasoari erreferentzia egiten ziola, lehiaketaren neutraltasun politikoko arauak apurturik. Kantaren letra berridatzi ondoren soilik onartu zuen EBUk kanta lehiaketarako[9]. Israelek bosgarren amaitu zuen 2024an eta bigarrenean 2025ean, bi kasuetan publikoaren botoan lehenengo bi postuetan bukatuta. Argudiatu da horren arrazoietako bat izan zela israeldar gobernuak publikoaren botoa bultzatzeko eta haien kanten sustapenera animatzeko antolatutako iragarpen-kanpaina.[10] Kanpaina hori 2024an egin zela aitortu zuen Israelgo Kanpo-arazoetarako Ministerioak,[11] eta 2025ean EBUren adimen irekiko iniziatiba Eurovision News Spotlight-ek[12] aurkeztu zituen.[13] 2025eko iragarpenak, Israelgo Gobernuko Iragarpen Agentziak bultzatuta, 68 milioi ikuspen baino gehiago lortu zituen. Horren harira, hainbat herrialdek teleboto-sistemaren erreforma eta herrialde bakoitzaren emaitzen ikerketa independentea eskatu zuten.[14]

Kan-ek 2026an parte hartzeko intentzioa zuela adierazi zuen 2025eko ekainaren 28an. Horrek EBUren gaineko presioa handitu zuen Kan-i parte hartzea debekatzeko, eta herrialde batzuen irrati-telebista publikoek erretiratzeko asmoa zutela aitortu zuten Israel kanporatu ezean. Beste herrialde batzuetan, presioa EBUren arau-erreforma gogor zein mugatuago batera bideratu zen[15]. Horren harira, lehiaketaren antolakuntza taldeak herrialdeen erretiratze-data urritik abendura mugitu zuen, bakoitzak ipinitako baldintzak betetzen ziren ikusi eta horren arabera haien parte hartzea ebaluatu ahal izateko. Denboraldi horretan, EBU irrati-telebistekin banaka biltzen aritu zen, ikuspuntu zein galdera ezberdinak bateratzeko. Hasiera batean, azaroan ezohiko asanblada bat antolatu zen Israelen presentzia eta beste neurriak debatitu eta bozkatzeko[16][17][18], baina Gazako zerrendarako sinatutako bake-planaren ostean bertan behera utzi zen[19]. Horren ordez, abenduaren 4 eta 5ean biltzarra egiteko deia egin zen[20], non bozketa-sistemaren aldaketak bozkatu ziren. Honetan, sistemaren erreforma hautatzeak Israelen parte hartzeari buruzko banakako bozketa bertan behera uzten zuen, testuari egonda, "neurriak lehiaketaren egoera originala mantentzeko nahikoak" zirelakoan[21]. Biltzarraren emaitzaren harira, Esloveniako, Espainiako, Herbehereetako eta Irlandako irrati-telebistek lehiaketatik erretiratzen zirela baieztatu zuten.[22][23][24][25]

Lehiaketa

[aldatu | aldatu iturburu kodea]

Lehen finalerdia

[aldatu | aldatu iturburu kodea]

Lehen finalerdia maiatzaren 12an ospatu zen, 21:00etan. Hamabost herrialde lehiatu ziren, eta hauetaz gain, Alemaniak eta Italiak ere bozkatu ahal izan zuten, finalerdian haien kanta antzeztuz ere. Gainera, "Munduko Gainerako Herrialdeek" herrialde baten teleboto-boterea izan zuten.[26]

2026ko Eurovision abesti lehiaketako lehen finalerdia
Ordena Herrialdea Artista Abestia Postua Puntuak
1 Image Moldavia Satoshi "Viva Moldova!" 4 208
2 Image Suedia Felicia "My system" 9 96
3 Image Kroazia Lelek "Andromeda" 6 175
4 Image Grezia Akylas "Ferto" 7 159
5 Image Portugal Bandidos do Cante "Rosa" 12 74
6 Image Georgia Bzikebi "On replay" 15 5
7 Image Finlandia Linda Lampenius eta Pete Parkkonen "Liekinheitin" 3 227
8 Image Montenegro Tamara Živković "Nova zora" 13 71
9 Image Estonia Vanilla Ninja "Too epic to be true" 11 79
10 Image Israel Noam Bettan "Michelle" 1 269
11 Image Belgika Essyla "Dancing on the ice" 10 91
12 Image Lituania Lion Ceccah "Sólo quiero más" 8 101
13 Image San Marino Senhit ft. Boy George "Superstar" 14 41
14 Image Polonia Alicja "Pray" 2 247
15 Image Serbia Lavina "Kraj mene" 5 187

Bigarren finalerdia

[aldatu | aldatu iturburu kodea]

Bigarren finalerdia maiatzaren 14ean ospatu zen, 21:00etan. Hamabost herrialde lehiatu ziren, eta hauetaz gain, Austria, Erresuma Batuak eta Frantziak ere bozkatu ahal izan zuten, haien kantak antzeztuz ere. Gainera, "Munduko Gainerako Herrialdeek" herrialde baten teleboto-boterea izan zuten.[27]

2026ko Eurovision abesti lehiaketako bigarren finalerdia
Ordena Herrialdea Artista Abestia Postua Puntuak
01 Image Bulgaria Dara "Bangaranga" 1 278
02 Image Azerbaijan Jiva "Just go" 15 2
03 Image Errumania Alexandra Căpitănescu "Choke me" 2 234
04 Image Luxenburgo Eva Marija "Mother nature" 12 60
05 Image Txekia Daniel Žižka "Crossroads" 9 142
06 Image Armenia Simón "Paloma rumba" 14 49
07 Image Suitza Veronica Fusaro "Alice" 11 108
08 Image Zipre Antigoni "JALLA" 10 122
09 Image Letonia Atvara "Ēnā" 13 49
10 Image Danimarka Søren Torpegaard Lund "Før vi går hjem" 5 199
11 Image Australia Delta Goodrem "Eclipse" 3 222
12 Image Ukraina Leléka "Ridnym" 6 174
13 Image Albania Alis "Nân" 7 158
14 Image Malta Aidan "Bella" 8 143
15 Image Norvegia Jonas Lovv "Ya ya ya" 4 206

Finala

[aldatu | aldatu iturburu kodea]

Finala maiatzaren 16ean ospatu zen, 21:00etan. 25 herrialde lehiatu ziren, finalerdi bakoitzeko hamar hoberenak, anfitrioia (Austria) eta "Lau Handiak" (Alemania, Erresuma Batua, Frantzia eta Italia). Hala ere, 35 partaideek epaile zein telebotoen bidez bozkatu ahal izan zuten, eta "Munduko Gainerako Herrialdeek" herrialde baten teleboto-boterea izan zuten.

Ordena Herrialdea Artista Abestia Postua Puntuak
01 Image Danimarka Søren Torpegaard Lund "Før vi går hjem" 7 243
02 Image Alemania Sarah Engels "Fire" 23 12
03 Image Israel Noam Bettan "Michelle" 2 343
04 Image Belgika Essyla "Dancing on the ice" 21 36
05 Image Albania Alis "Nân" 13 145
06 Image Grezia Akylas "Ferto" 10 220
07 Image Ukraina Leléka "Ridnym" 9 221
08 Image Australia Delta Goodrem "Eclipse" 4 287
09 Image Serbia Lavina "Kraj mene" 17 90
10 Image Malta Aidan "Bella" 18 89
11 Image Txekia Daniel Žižka "Crossroads" 16 113
12 Image Bulgaria Dara "Bangaranga" 1 516
13 Image Kroazia Lelek "Andromeda" 15 124
14 Image Erresuma Batua Look Mum No Computer "Eins zwei drei" 25 1
15 Image Frantzia Monroe "Regarde!" 11 158
16 Image Moldavia Satoshi "Viva Moldova!" 8 226
17 Image Finlandia Linda Lampenius eta Pete Parkkonen "Liekinheitin" 6 279
18 Image Polonia Alicja "Pray" 12 150
19 Image Lituania Lion Ceccah "Sólo quiero más" 22 22
20 Image Suedia Felicia "My system" 20 51
21 Image Zipre Antigoni "JALLA" 19 75
22 Image Italia Sal Da Vinci "Per sempre sì" 5 281
23 Image Norvegia Jonas Lovv "Ya ya ya" 14 134
24 Image Errumania Alexandra Căpitănescu "Choke me" 3 296
25 Image Austria Cosmó "Tanzschein" 24 6

Erreferentziak

[aldatu | aldatu iturburu kodea]
  1. ↑ (Ingelesez) «Netherlands, Spain, Ireland and Slovenia boycott Eurovision after Israel allowed to compete» BBC News 2025-12-04 (kontsulta data: 2025-12-04).
  2. ↑ (Ingelesez) «Eurovision 2026: Vienna is our Host City for the 70th» eurovision.tv 2025-08-20 (kontsulta data: 2025-12-04).
  3. ↑ (Alemanez) Giulia. (2025-08-20). «Live-Blog: Pressekonferenz zur Bekanntgabe von Wien als Host City für den ESC 2026» ESC kompakt (kontsulta data: 2025-12-04).
  4. ↑ (Ingelesez) Jiandani, Sanjay (Sergio). (2025-09-02). «The EBU extends ESC 2026 confirmation deadline until mid December (statement)» Eurovision News, Polls and Information by ESCToday (kontsulta data: 2025-12-04).
  5. ↑ (Ingelesez) «35 broadcasters to compete at 70th Eurovision Song Contest in Vienna» Eurovision Song Contest 2025-12-16 (kontsulta data: 2026-03-03).
  6. ↑ (Ingelesez) Chaotic build-up to Eurovision as thousands protest. 2024-05-11 (kontsulta data: 2025-12-04).
  7. ↑ (Ingelesez) Thousands protest against Israel's entry for Eurovision in Malmo. 2024-05-09 (kontsulta data: 2025-12-04).
  8. ↑ www.euronews.com (kontsulta data: 2025-12-04).
  9. ↑ (Ingelesez) «Eurovision 2024: Israel agrees to October Rain lyrics change» BBC News 2024-03-03 (kontsulta data: 2025-12-04).
  10. ↑ (Ingelesez) «Eurovision: Israel's result prompts questions over voting» www.bbc.com 2025-05-21 (kontsulta data: 2025-12-04).
  11. ↑ (Gaztelaniaz) Pérez, Laura. (2024-05-17). «El Gobierno de Israel confirma que invirtió mucho dinero para fomentar el voto a Eden Golan en Eurovisión 2024» Vertele (kontsulta data: 2025-12-04).
  12. ↑ (Ingelesez) Union (EBU), European Broadcasting. (2025-04-11). «EBU launches Spotlight fact-checking network to combat misinformation and support trusted news» www.ebu.ch (kontsulta data: 2025-12-04).
  13. ↑ (Ingelesez) Bowler, Derek. «Israeli government agency paid for adverts targeting Eurovision Song Contest public vote» spotlight.ebu.ch (kontsulta data: 2025-12-04).
  14. ↑ (Ingelesez) «RTÉ seeks breakdown of Eurovision voting numbers amid questions over public result for Israel» Irish Independent 2025-05-20 (kontsulta data: 2025-12-04).
  15. ↑ www.euronews.com (kontsulta data: 2025-12-04).
  16. ↑ www.euronews.com (kontsulta data: 2025-12-04).
  17. ↑ (Ingelesez) Eurovision Members to Vote on Whether to Exclude Israel. 2025-09-25 (kontsulta data: 2025-12-04).
  18. ↑ (Alemanez) «Song Contest: EBU lässt über Israel-Teilnahme abstimmen» news.ORF.at 2025-09-25 (kontsulta data: 2025-12-04).
  19. ↑ Txantiloi:Nb-NO NRK. (2025-10-13). «EBU utsetter avgjørelse om Israels deltakelse Eurovision» NRK (kontsulta data: 2025-12-04).
  20. ↑ (Ingelesez) Jiandani, Sanjay (Sergio). (2025-09-02). «The EBU extends ESC 2026 confirmation deadline until mid December (statement)» Eurovision News, Polls and Information by ESCToday (kontsulta data: 2025-12-04).
  21. ↑ (Ingelesez) Union (EBU), European Broadcasting. (2025-12-04). «EBU Members show clear support for reforms to reinforce trust and protect neutrality of Eurovision Song Contest, allowing all Members to participate» www.ebu.ch (kontsulta data: 2025-12-04).
  22. ↑ (Eslovenieraz) K, A. K.. «Izrael bo lahko nastopil na Evroviziji; med državami, ki jih na tekmovanju ne bo, tudi Slovenija» rtvslo.si (kontsulta data: 2025-12-04).
  23. ↑ (Gaztelaniaz) RTVE, PRENSA. (2025-12-04). «RTVE se retira del Festival de Eurovisión» RTVE.es (kontsulta data: 2025-12-04).
  24. ↑ Txantiloi:Nl-NL «AVROTROS neemt in 2026 niet deel aan het Eurovisie Songfestival» www.avrotros.nl (kontsulta data: 2025-12-04).
  25. ↑ (Ingelesez) RTÉ to boycott Eurovision Song Contest over Israel. 2025-12-04 (kontsulta data: 2025-12-04).
  26. ↑ (Ingelesez) «Vienna 2026: Semi-Final Draw results» Eurovision Song Contest 2026-01-12 (kontsulta data: 2026-02-10).
  27. ↑ (Ingelesez) «Vienna 2026: Semi-Final Draw results» Eurovision Song Contest 2026-01-12 (kontsulta data: 2026-02-10).

Kanpo estekak

[aldatu | aldatu iturburu kodea]


"https://eu.wikipedia.org/w/index.php?title=2026ko_Eurovision_Abesti_Lehiaketa&oldid=10636177"(e)tik eskuratuta