1922 жылы 22 ақпан – қазақтың тамаша кинорежиссері Мәжит Сапарғалиұлы Бегалин дүниеге келді. Таңдаулы туындылары – «Шоқан Уәлиханов», «Оның күні туады», «Тұлпардың ізі», «Артымызда – Мәскеу», «Мәншүк туралы ән» фильмдері. 1978 жылы қайтыс болған. Қазақтың үш үлкен кинорежиссері – Шәкен Кенжетайұлы Айманов, Мәжит Бегалин, Абдолла Қарсақбаев өмірден 56 жасында өтті.
1941 жылы 22 ақпан – қазақтың белгілі жазушысы Бексұлтан Нұржекеұлы дүниеге келді. Шығармаларының негізгі арқауы - әйел махаббаты.
1946 жылы 22 ақпан – Қазақстан Республикасы Ұлттық ғылым академиясының президенті болған Нағима Әбенқызы Айтқожина дүниеге келді. Туған ағасы, Лениндік сыйлықтың лауреаты Мұрат Айтқожин да кезінде Ұлттық ғылым академиясының президенті болған еді.
1919 жылы 22 ақпан – қазақтың әйгілі әнші – композиторы Балуан Шолақ (өз аты Нұрмұхамед) Баймырзаұлы қайтыс болды. 1864 жылы туған. Шешесі жағынан атақты Қанай биге жиен болып келеді. Аталары қазіргі Жамбыл облысындағы Хан тауының маңайынан нағашы жұртына көшіп барған, Балуан Шолақтың өзінің өскен, өнер ұстартқан өңірі – Көкшетау, Қараөткел төңірегі.
