Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Maandag, 2 November 2026 Hier is tans 142 983 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Anna Sorokin (Russies: Анна Сорокина, Anna Sorokina; gebore 23 Januarie 1991), ook bekend as Anna Delvey, is 'n swendelaar en bedrieër wat haar van 2013 tot 2017 as 'n ryk erfgenaam voorgedoen het aan die hoër stand van die New Yorkse sosiale en kunssirkels.

Delvey is naby Moskou gebore en het in 2007, toe sy 16 jaar oud was, saam met haar ouers na Duitsland verhuis. In 2011, op 20-jarige ouderdom, het Delvey Duitsland verlaat om in Londen en Parys te gaan woon. In 2013 is sy na New York, waar sy 'n intern was vir die Franse modetydskrif Purple. Sy het 'n klub en kunsstigting met privaat lede bedink, wat ingesluit het die huur van 'n groot gebou met winkels en uitstallings deur bekende kunstenaars wat sy ontmoet het terwyl sy 'n intern was. Sy het later vervalste dokumente geskep om haar bewering te staaf dat sy 'n trustfonds van miljoene euro's het en het talle geldoordragtransaksies vervals. Sy het dié dokumente en vervalste tjeks gebruik om banke, kennisse en eiendomsagente te oorreed om kontant aan haar uit te betaal en lenings sonder kollateraal te kry. Sy het die geld gebruik om haar uitspattige leefstyl te onderhou, insluitend verblyf in verskeie duur hotelle.

Tussen 2013 en '17 het Delvey groot finansiële instellings, banke, hotelle en individue verneuk. In 2017 het die New Yorkse polisie haar in hegtenis geneem met die hulp van haar voormalige vriendin Rachel Williams, wat Delvey beskuldig het van bedrog van $62 000. In 2019 het 'n New Yorkse staatshof Delvey gevonnis op 'n paar aanklagte van diefstal en pogings tot diefstal, en is sy gevonnis tot tronkstraf van tussen 4 en 12 jaar. Nadat sy twee jaar daarvan uitgedien het, is sy op parool vrygelaat.

Ses weke later is sy deur die Amerikaanse doeanepolisie in hegtenis geneem om na Duitsland gedeporteer te word. In Oktober 2022, nadat sy 19 maande lank aangehou is, is sy op borgtog van $10 000 vrygelaat en in huisarres geplaas.

Delvey se storie het publisiteit geniet toe Williams 'n lang artikel in die tydskrif Vanity Fair geskryf het oor haar ondervindings in 2018 met Delvey. Sy het in haar boek My Friend Anna (2019) op die storie uitgebrei. In dieselfde jaar het die joernalis Jessica Pressler 'n artikel vir die tydskrif New York geskryf oor Delvey se lewe as 'n sosiale vlinder. Netflix het Delvey $320 000 betaal vir die regte vir haar storie en dit ontwikkel in die minireeks Inventing Anna (2022) vir televisie. Delvey se lewensverhaal was ook die onderwerp van verskeie ander televisieprogramme, onderhoude, podsendings en teaterproduksies.

...lees verder

In die nuus

Tydens die Formule 1-seisoen van 2026 wen Kimi Antonelli sy eerste Formule Een-bestuurderskampioenskap en word op 20 jaar die jongste Formule Een-wêreldkampioen ooit.
Die FIA kondig 'n ooreenkoms met Rwanda aan, waarvolgens dié land vanaf 2030 vir tien jaar 'n Afrika Grand Prix mag aanbied. Suid-Afrika beywer hom steeds vir 'n terugkeer van die Suid-Afrikaanse Grand Prix.
Die 2026-Nobelprys vir Vrede word toegeken aan die Suid-Afrikaanse juris en menseregteaktivis Navi Pillay "vir haar pogings om vrede en internasionale reg te bevorder".
Die Internasionale Krieketraad en Krieket Suid-Afrika maak die Krieketwêreldbeker 2027 se wedstrydskedule in Kaapstad bekend; dié toernooi sal op 2 Oktober in Windhoek begin en die eindstryd sal ná ses weke se wedstryde in Suid-Afrika, Zimbabwe en Namibië op 21 November op Wanderers in Johannesburg beslis word.
'n Reeksmoordenaar is moontlik in die Oos-Rand-gebied in Gauteng, Suid-Afrika, aktief. Die lyke van twaalf vrouens is sedert Julie 2026 gevind.

Het u geweet...

... dat die Normandiese dialek Jèrriais nog steeds op die Kanaaleiland Jersey as omgangstaal gepraat word, alhoewel die eiland reeds sedert 1066 onder die Britse Kroon val? Jersey vorm egter nie deel van die Verenigde Koninkryk of die Europese Unie nie.

... dat die Groot en die Klein Magellaanse Wolk na Ferdinand Magellaan vernoem is, maar dat Al Soefi dit reeds meer as 500 jaar voor hom opgeteken het? Hy verwys daarna in sy "Boek van sterre" wat uit 964 dateer.

... dat daar moontlik meer as twee wêreldoorloë plaasgevind het? Sommige historici beskou ook die Sewejarige Oorlog en die Napoleontiese Oorloë as wêreldoorloë, omdat beide op verskille kontinente geveg is.

... dat 'n springhaas nie werklik 'n haas is nie, maar 'n knaagdier?

... dat Clarens in die Oos-Vrystaat vernoem is na Clarens, die noordwestelike stadswyk in Montreux, Switserland, waar president Paul Kruger van die Zuid-Afrikaansche Republiek oorlede is?