Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Saterdag, 24 Oktober 2026 Hier is tans 139 185 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Waterdraer (Latyn: Aquarius) is ’n ewenaar sterrebeeld in die diereriem, tussen die Steenbok en die Visse. Sy teken is (Unicode ♒︎), ’n voorstelling van water.

Die Waterdraer is een van die oudste bekende sterrestelsels in die diereriem en was een van die 48 sterrebeelde wat benoem is deur die 2de-eeuse sterrekundige Ptolemeus. Dit is steeds een van die 88 moderne konstellasies. Dit is geleë in ’n streek wat dikwels "die See" genoem word vanweë die getal sterrebeelde wat daar voorkom wat met water verband hou, soos die Walvis, die Visse en die rivier Eridanus.

...lees verder

In die nuus

Die FIA kondig 'n ooreenkoms met Rwanda aan, waarvolgens dié land vanaf 2030 vir tien jaar 'n Afrika Grand Prix mag aanbied. Suid-Afrika beywer hom steeds vir 'n terugkeer van die Suid-Afrikaanse Grand Prix.
Die 2026-Nobelprys vir Vrede word toegeken aan die Suid-Afrikaanse juris en menseregteaktivis Navi Pillay "vir haar pogings om vrede en internasionale reg te bevorder".
Die Internasionale Krieketraad en Krieket Suid-Afrika maak die Krieketwêreldbeker 2027 se wedstrydskedule in Kaapstad bekend; dié toernooi sal op 2 Oktober in Windhoek begin en die eindstryd sal ná ses weke se wedstryde in Suid-Afrika, Zimbabwe en Namibië op 21 November op Wanderers in Johannesburg beslis word.
'n Reeksmoordenaar is moontlik in die Oos-Rand-gebied in Gauteng, Suid-Afrika, aktief. Die lyke van twaalf vrouens is sedert Julie 2026 gevind.
Op Griekwapark in Kimberley klop die verdedigende kampioen Griekwas tydens die eindstryd van die Curriebeker 2026 die Pumas met 23–16 en palm sodoende hul vyfde titel in.

Het u geweet...

... dat daar niks "suur" aan suurstof is nie? Die woord het ontstaan toe mense vroeër geglo het dat alle sure suurstof bevat.

... dat 'n Noord-Germaanse of Skandinawiese taal vroeër in Skotland gepraat is? Op die Shetland- en Orkney-eilande en in Caithness op die vasteland is die uitgestorwe Norn gepraat. Nadat die eilande in die 15de eeu deur Noorweë aan Skotland teruggegee is, is dit deur Skots vervang.

... dat die Franse sneltrein TGV die vinnigste trein ter wêreld is? Die trein bereik gereeld 'n snelheid van 320 km/h, maar het in 'n toetsrit in 1990 'n rekordsnelheid van 515,3 km/h behaal.

... dat die eerste duikboot reeds in 1620 gebou is? Die Nederlandse Cornelis Drebbel het een vir die Engelse koning gebou en in die Teems getoets.

... dat daar geraam word dat meer as die helfte van alle fotosintese wat op aarde plaasvind nie vanaf plante afkomstig is nie, maar vanaf bakterieë en alge?

Vandag in die geskiedenis

24 Oktober: Onafhanklikheidsdag in Zambië (1964)

1648 – Switserland verkry volle onafhanklikheid van die Heilige Romeinse Ryk.
1851 – William Lassell ontdek Ariel en Umbriel, twee mane van die planeet Uranus.
1945 – Die Verenigde Nasiesverdrag, die grondwet van die Verenigde Nasies, tree in werking.
1955 – Suid-Afrika loop uit die debat by die VN se algemene vergadering oor "die rassekonflik in Suid-Afrika weens die apartheidsbeleid".
1964 – Die Britse protektoraat Noord-Rhodesië word as Zambië onafhanklik.