Կառավարության որոշման նախագծով առաջարկվում է սահմանել էկոպարեկային ծառայողի զոհվելու կամ նրան հաշմանդամություն ունեցող անձ ճանաչելու դեպքում տրամադրվող միանվագ դրամական օգնության չափն ու վճարման կարգը։

Ինչպես տեղեկացնում է Iravaban.net–ը, նախագիծը մշակվել է Շրջակա միջավայրի նախարարության էկոպարեկային ծառայության կողմից։

Նախագծի ընդունման անհրաժեշտությունը պայմանավորված է «Էկոպարեկային ծառայության մասին» օրենքում փոփոխություններ կատարելու մասին ՀՕ-101-Ն օրենքի պահանջների կատարմամբ։ Օրենքն ընդունվել է 2025 թվականի մայիսի 12-ին և ուժի մեջ մտել նույն թվականի մայիսի 31-ին։

Ի՞նչ է նախատեսվում նոր կարգով

Օրենքի 29-րդ հոդվածի նոր խմբագրությամբ սահմանվել է, որ էկոպարեկային ծառայողի զոհվելու կամ նրան հաշմանդամություն ունեցող անձ ճանաչելու դեպքում տրամադրվող միանվագ դրամական օգնության չափը և վճարման կարգը սահմանում է Կառավարությունը։

Նախագծով առաջարկվում է սահմանել այդ օգնության չափն ու վճարման կարգը։

Ո՞վ է տրամադրելու դրամական օգնությունը

Նախագծի համաձայն՝ միանվագ դրամական օգնությունը տրամադրելու է Էկոպարեկային ծառայությունը։

Դրա համար անհրաժեշտ դրամական միջոցները նախատեսվում է ներառել հաջորդ տարիների համար ներկայացվող բյուջետային հայտերում։

Ի՞նչ նշանակություն կունենա նոր կարգավորումը

Նախագծի ընդունման արդյունքում կսահմանվեն էկոպարեկային ծառայողի զոհվելու կամ նրան հաշմանդամություն ունեցող անձ ճանաչելու դեպքում տրամադրվող միանվագ դրամական օգնության չափն ու վճարման կարգը։

Հիմնավորման համաձայն՝ դա էկոպարեկային ծառայողների համար կդառնա լրացուցիչ սոցիալական երաշխիք՝ «Հանրային ծառայության մասին» օրենքով սահմանված մյուս երաշխիքներից բացի։

Նախագծի ընդունմամբ այլ իրավական ակտերում փոփոխություններ կամ լրացումներ կատարելու անհրաժեշտություն չի առաջանում։

Նշենք, որ խոսքը Կառավարության որոշման նախագծի մասին է։ Որոշումն ուժի մեջ կմտնի պաշտոնական հրապարակման օրվան հաջորդող տասներորդ օրը։